Genese 17:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Abalama wakadia mpala hanshi, ne Nzambi wakayikila nʼandi ne,

MUKANDA WA MYIDI MUKULU

³ Abrame kudiela mutu panshi. Mvidi Mukulu kumuambila ne:

Genese 17:3 Marejeleo ya Msalaba

Genese 17:17

Hashishe, Abalahama wakadishinda hanshi, wakaseka, wakamba mu mu tshima wandi ne, Nebalelele muntu udi ne bidimu lukama muana, anyi? Sala udi ne bidimu makumi tshitema nealele, anyi?

Genese 18:2

Yeye wakabandisha mesu andi, wakatangila balume basatu bimane ku mpala kuandi, hakabatangileye, wakabika ku mbelu kuandi, wakaya lubilu bua kubakidila, wakabakukuila,

1 Bakalenga 18:39

Hakatangila bantu bualu ebu, bakatua mpala yabo hanshi, bamba ne, Yehowa, yeye udi Nzambi; Yehowa, yeye udi Nzambi.

Ekesode 3:6

Wakamba kabidi ne, Ndi bianyi Nzambi wa tatuʼebe, Nzambi wa Abalahama, Nzambi wa Isaka, Nzambi wa Yakoba Mose wakayikila mesu andi, wakatshina kutangila Nzambi.

Yezekiyele 1:28

tshifuana muanzankongolo udi umueneka mu matutu mu dituku didi nvula uloka; ke muakadi tshinfuanyi tshia kukenka kukole kuakamunyunguluka. Etshi tshiakadi tshinfuanyi tshia butumbi bua Yehowa tshiakamueneka kundi. Hanakatshimona, nakatua mpala wanyi hanshi, nakunvua dî dia mukuabo wakadi wakula.

Yezekiyele 3:23

Nunku nakajuka, nakaya mu mpata, ekumona, butumbi bua Yehowa buakadiku, bu butumbi bunakamona ku muelelu wa musulu wa Kebâ, ne nakatua mpala wanyi hanshi.

Yezekiyele 9:8

Hakadibo bashiha bantu bakuabo ne hanakashala nkayanyi, nakatua mpala wanyi hanshi, nakabandisha dî dianyi, nakamba ne, Aka, Mukelenge Yehowa! Neushihe bonso ba mu Isalele badi bashala ne muoyo mu kuhumuna eku kua tshiji tshiebe tshikole hamʼbidi ha Yelushalema, anyi?

Danyele 10:9

Kadi nakunvua tshiona tshia mei andi; ne hanakunvua tshiona tshia mei andi, nakafua tshihuka nakatua mpala wanyi hanshi.

Dibadika 14:5

Hashishe Mose ne Alona bakadikuma hanshi ku mpala kua tshisumbu tshionso tshia Bena Isalele.

Dibadika 16:22

Bobo bakadikuma hanshi, bakamba ne, Nzambi, Nzambi wa mioyo ya bantu, wewe newikale ne tshisumbu tshonso tshiji bua bubi bua mundi umue, anyi?

Dibadika 16:45

Umuka biebe munkatshi mua tshisumbu etshi tshia bantu, nenubashihe mu tshituha tshihi. Bobo bakahaula mpala yabo hanshi.

Matayi 17:6

Hakunvua bayidi dî adi, bakatua mpala hanshi, bakatamba kutshina.

Yoshua 5:14

Yeye wakitaba ne, Nansha, nakutuma bu mukelenge wa musumba wa Yehowa. Yoshua wakamututshila mpala hanshi, wakamutendelela, wakamukonka ne, Mukelenge wanyi udi Wambila muntu wandi tshinyi?

Didimanyisha 1:17

Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

Balombodi 13:20

Bualu bua hakabanda ludimi lua kahia mulu lufume ku tshioshelu, muanjelo wa Yehowa wakabanda mu ludimi lua kahia lua ku tshioshelu; Manoa ne mukashi wandi bakatangila, bakatua mpala yabo hanshi.