Genese 17:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Abalahama wakangata Yishemaele, muanʼandi mulume, ne bana bonso bakaledibua mu nsubu wandi, ne bantu bonso bakasumbibua ku argent yandi, bantu balume bonso ba mu nsubu wa Abalahama bakatengudibua dituku adi mene bu muakamuambila Nzambi.

MUKANDA WA MYIDI MUKULU

²³ Anu dituku adi, Abrahame kuteka muanende Ismayele panshi, kabidi ne bana ba balume bonsu bavua mu diku diende, too ne bapika bavuabu balele mu nzubu muende, ne bonsu bavuaye musumbe, bu muvua Mvidi Mukulu mumuambile.

Genese 17:23 Marejeleo ya Msalaba

Genese 14:14

Hakunvua Abalama lumu ne, Bakaya ne muanʼetu, yeye wakaya ne bahika bandi bakadiye mueyemene bakadi baledibue mu nsubu muandi, nkama isatu ne dikumi ne muanda mukulu, wakabihata to ne ku Dana.

Genese 17:9

Nzambi wakambila Abalahama ne, Wewe ne tunkanunuina tuebe mu bikondo biatu bionso, nenutumikile tshihungidi tshianyi.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Genese 34:24

Bena musoko bonso ba mu musoko wandi bakitabusha mei a Hamô ne a muanʼandi Shekeme, balume bonso ba mu musoko wandi bakätengudibua.

Misambu 119:60

Nakenda lukasa, tshiakajanguluka, bua kulonda mikenji yebe.

Nsumuinu 27:1

Kuditumbushi bua malu a makelela, bualu bua kuena mumanye muanda walua dituku dikuabo.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Bienzedi 16:3

Paulo wakasua aye nʼandi. Wakamuangata, wakamutengula, bualu bua Bena Yuda bakadi mu nseke ai; bua bantu bonso bakamanya ne, Tatu wandi wakadi Muena Gelika.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Ngalate 6:15

Bualu bua bikala muntu mutengula, anyi bikaleye kai mutengula, kakuena bualu; kadi kuikala muntu muhia-muhia kudi bualu.