Genese 15:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakamuambila ne, Wangate lukungulu lua ngombe lua bidimu bisatu, ne dishina dia mbushi dia bidimu bisatu, ne tshimpanga tshia mukoko tshia bidimu bisatu, ne nyunyu wa nkutshi ne mputu nyunyu

MUKANDA WA MYIDI MUKULU

⁹ Maweja-Nangila kumuambila ne: — Ntuadile muana wa ngombe, mbuji ne mukoku wa tshimpanga bia bidimu bisatu. Pashishe ntuadile kamanda-nkutshi ne nkudimba.

Genese 15:9 Marejeleo ya Msalaba

Genese 15:10

Yeye wakangata bintu ebi bionso, wakabihanda nseke, wakateka luseke eku luseke eku, kadi yeye kakahanda nyunyu nseke.

Genese 15:8

Yeye wakamba ne, Mukelenge Yehowa, ndi mumanye ne, Nembuhiane munyi?

Genese 22:13

Abalahama wakabandisha mesu andi, wakamona ku nyima kuandi tshi-mpanga tshiakadi ne nsengu yatshi mile mikuata ku mutshi Abalahama wakaya, wakangata tshimpanga, wakatshishihela Nzambi mu muaba wa muanʼandi.

Misambu 50:5

Sangishai bienu bantu banyi ba tshijila kundi, bantu aba mene bakuhunga neanyi tshihungidi ku difila dia mulambu.

Musambu wa Solomo 2:12

Bilongo bidi bimena mu buloba; tshikondo tshia kuimba misambu tshiakulua; dî dia nyunyu wa nkutshi didi diunvuika mu buloba buetu.

Yeshaya 15:5

Mutshima wanyi udi udidila Moaba bikole; bihatshibue babo badi banyema tô ne ku Soâ, ku Egelata-shelishiya. Bualu bua badi babanda mu nshila udi uyila ku Luhita, bendela badila; ne mu nshila udi uyila ku Holonayima badi babandisha mei abo ne, Tuakubutuka;

Lewitiki 1:10

Bikala mulambu wandi wa kuosha muana wa mukoko anyi muana wa mbushi, yeye neafile mulume udi kayi ne tshilema.

Lewitiki 1:14

Bikala mulambu wandi wa kuosha wa nyunyu, yeye neafile nansha nyunyu wa nkutshi nansha mputu nyunyu.

Lewitiki 1:3

Bikala mulambu wandi wa kuosha wa muana wa ngombe, neafile mulume udi kayi ne tshilema, neamushihele ku mbelu kua ntenta wa kusangakena, ne Yehowa neamuitabushe.

Lewitiki 12:6

Hashika matuku a kudilengesha kuandi, nansha matuku a muana wa balume nansha a muana wa bakashi, yeye nealue ne muana wa mukoko wa tshidimu tshimue bu mulambu wa kuosha ha kahia, ne mputu nyunyu anyi nyunyu wa nkutshi bu mulambu wa kubuikila nʼau bubi, ku mbelu kua ntenta wa kusangakena, kudi muakuidi,

Lewitiki 12:8

Bikaleye kayi ne mushinga wa muana wa mukoko, alue biandi ne nyunyu ya nkutshi ibidi anyi mputu nyunyu ibidi, umue bu mulambu wa kuosha ha kahia ne mukuabo bu mulambu wa kubuikila nʼau bubi, muakuidi munene neayifile bua kumubuikidila nʼau bubi, ne yeye neikale mulengeshibue.

Lewitiki 14:22

ne nyunyu ya nkutshi ibidi anyi mputu nyunyu ibidi, bu bintu bidiye mua kuangata, nyunyu umue neikale bu mulambu wa kubuikila nʼau bubi ne mukuabo bu mulambu wa kuosha ha kahia.

Lewitiki 14:30

Neafile umue wa nyunyu wa nkutshi anyi wa mputu nyunyu udiye mua kuangata

Lewitiki 3:1

Bikala mulambu wa mundi wa kumuvuisha nʼau ditalala, yeye neafile muana wa ngombe, nansha mulume nansha mukashi, udi kayi ne tshitema, ku mesu kua Yehowa.

Lewitiki 3:6

Bikala mulambu wa mundi wa kumuvuisha nʼau ditalala wa munkatshi mua mikoko wa kudia kudi Yehowa, neafue mulume nansha mukashi udi kayi ne tshilema.

Lewitiki 9:2

wakambila Alona ne, Angata kana ka ngombe bu mulambu wa kubuikila nʼau bubi ne tshimpanga, bidi kabiyi ne tshitema, bu mulambu wa kuosha ha kahia, ubifile ku mesu kua Yehowa.

Lewitiki 9:4

angata kabidi mulume wa ngombe ne tshimpanga bu mulambu wa kuvuisha nʼau ditalala bua kubishiha ku mesu kua Yehowa ne mulambu wa bukula busangisha ne manyi, bualu bua Yehowa neamueneke kunudi lelu.

Luke 2:24

ne bua kufila mulambu mushihela Yehowa bu muakambabo mu mikenshi ya Mukelenge ne, Nyunyu ya nkutshi ibidi, anyi bana babidi ba nyunyu ya nkudimba.