Genese 14:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakunvua Abalama lumu ne, Bakaya ne muanʼetu, yeye wakaya ne bahika bandi bakadiye mueyemene bakadi baledibue mu nsubu muandi, nkama isatu ne dikumi ne muanda mukulu, wakabihata to ne ku Dana.

MUKANDA WA MYIDI MUKULU

¹⁴ Abrame umvua ne: mbakuate Lote, muana wa muanetu, kubikilaye biende bilobu nkama isatu dikumi ne muanda mukulu, bia mu diku diende. Kuipatshilabu bakalenga banayi abu too ne ku Dane.

Genese 14:14 Marejeleo ya Msalaba

Genese 12:16

Yeye wakenzela Abalama bimpe bua bualu buandi, wakamuha mikoko ne ngombe, ne balume ba nyama ya mpunda, ne bahika balume ne bahika bakashi, ne mashina a nyama ya mpunda ne tumelo.

Genese 12:5

Abalama wakangata mukashi wandi Salai, ne Lota, muana wa muanʼabo, ne bintu biabo bionso, ne bantu bonso bakahetabo mu Halana, bakaya mu nshila wa ku buloba bua Kanâna, bakafika mu buloba bua Kanâna

Genese 13:8

Abalama wakambila Lota ne, Ndi nkutendekena ne, Katutandanganyi, balami ba bintu bietu kabatandanganyi, bualu bua tudi bana ba muntu umue.

Genese 14:12

Bakakuata Lota, muana wa muanʼabo ne Abalama, wakadi ushikama mu Sodoma, ne bintu biandi bionso, bakaya nʼabi.

Genese 14:16

Wakahingana ne biuma biabo bionso ne muanʼabo Lota, ne bintu biandi ne bakashi ne bantu.

Genese 15:3

Abalama wakamba ne, Tangila, wewe kuena muanze kumpa muana, ne muntu muledibue mu nsubu wanyi, yeye udi muhianyi wa bintu bianyi.

Genese 17:12

Muana mulume wa munkatshi muenu, hafikeye matuku muanda mukulu, neatengudibue, muana mulume yonso wa ku bikondo bienu bionso, yeye udi muledibue mu nsubu wenu, anyi yeye udibo basumba kudi ba bende ku argent, udi kayi kankanunuina kebe.

Genese 17:23

Abalahama wakangata Yishemaele, muanʼandi mulume, ne bana bonso bakaledibua mu nsubu wandi, ne bantu bonso bakasumbibua ku argent yandi, bantu balume bonso ba mu nsubu wa Abalahama bakatengudibua dituku adi mene bu muakamuambila Nzambi.

Genese 17:27

Balume bonso ba mu nsubu wandi, baledibue mu nsubu wandi, ne basumbibue ku argent kudi ba bende, bakatengudibua nʼandi.

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Genese 23:6

Mukelenge, utunvuile, wewe udi bu muntu wa Nzambi munene munkatshi muetu, usungule muaba wa majambu nkayebe udi musue kujikarnu tshitalu etshi, kakuena muntu udi mua kukukanda bua wewe kuangata muaba wa kujikamu tshi tatu etshi.

1 Bakalenga 15:20

Bene-hadada wakunvua dî dia mukelenge Asa; wakatuma tupitene tua masalayi andi bua kuluanganabo ne misoko ya Bena Isalele; yeye wakahana Iyona ne Dana ne Abele-bete-mâka, ne buloba buonso bua Kinelota ne buloba buonso bua Nafatale.

Misambu 68:12

Bakelenge ba misumba ya masalayi badi banyema, badi banyema! Bakashi badi bashala mu nsubu yabo badi babanyangana bintu binyengibue mu nvita.

Nsumuinu 17:17

Mulunda utu wananga mu bikondo bionso, muanʼetu utu walesha bulela mu tshikondo tshia dikenga.

Muambi 2:7

nakasumba bahika balume ne bahika bakashi; nakadi ne bana ba bahika baledibue mu nsubu muanyi; nakadi ne bimuna bia bungi, ngombe ne mikoko, bihite bia bonso bakadi ku mpala kuanyi mu Yelushalema.

Yirmeya 41:12

bakasangisha bantu babo bonso, bakaya kuluangana ne Yishemaele, muana wa Netanya, bakamuheta hehi ne dishiha dinene dia mu Gibeona.

Dielulula 34:1

Mose wakaya ku mpata ya Moaba ku mukuna wa Nebo, ku mutu kua Pisega, kuakadi kutangilangana ne Yeleko. Yehowa wakamufila buloba buonso bua Gilada tô ne ku Dana,

1 Yone 2:18

Bana banyi, didi diba dia kunshikidilu; ne mbu munuakunvua ne, Mufuilakanyi ne Kilisto ukadi ha kulua, ne katataka bafuilakanyi ne Kilisto bakumana kulua ba bungi; bua malu â tudi bamanye ne, Didi diba dia kunshikidilu.

Balombodi 18:29

Bakidika musoko eu dina ne, Dana, ndina dia Dana nkambua wabo, wakaledibua kudi Isalele; kadi dina dia musoko diakadi Layisha diambedi.

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.

1 Samuele 30:19

Kabakajimisha tshintu nansha tshinene nansha tshikese, nansha muana mulume nansha muana mukashi, nansha tshintu tshimue tshiakanyengabo; Davidi wakahingisha bionso.