Genese 12:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Palô Wakabikila Abalama, wakamukonka ne, Bualu ebu buwakungenzela budi tshinyi? Kuakungambila ne, Eu udi mukashi wanyi bualu kai?

MUKANDA WA MYIDI MUKULU

¹⁸ Mukalenga wa bena Ejipitu kubikidisha Abrame, kumukonka ne: — Tshiudi mungenzele ntshinyi? Bua tshinyi kuena mungambile ne: Sarayi mmukajebe?

Genese 12:18 Marejeleo ya Msalaba

Genese 12:19

Wakungambila ne, Yeye udi muanʼetu wa bakashi, bua meme kumuangata bu mukashi wanyi bualu kai? Ka, tangila mukashi webe, umuangate, uye biebe mu nshila webe

Genese 20:3

Kadi Nzambi wakamueneka kudi Abimeleke mu tshilota butuku, wakamuambila ne, Wewe udi anu muntu mufue, bualu bua mukashi uwakuangata udi mukashi wa munga muntu.

Genese 29:25

Hakatshia butuku Yakoba wakamona ne Lea wakambila Labana ne, Bualu ebu buwakungenzela budi munyi? Tshiakukukuatshila mudimu bualu bua Lakele, anyi? Wakundinga nunku bua tshinyi?

Genese 3:13

Yehowa Nzambi wakambila mukashi ne, Bualu ebu buwakuenza budi tshinyi? Mukashi wakamba ne, Nyoka wakundinga, nakudia.

Genese 31:26

Labana wakebesha Yakoba ne, Bualu ebu buwakungenzela budi tshinyi, wakunyema kundi mu musokoko, wakuya ne bana banyi bakashi bu bahika bakuata mu nvita, anyi?

Genese 4:10

Yeye wakamukonka ne, Wewe wakuenza tshinyi? Muadi wa mashi a muakunyʼebe udi wela di kundi difume ha buloba.

Genese 44:15

Yosefe wakabakonka ne, Bualu ebu bunuakuenza budi munyi? Kanuena bamanye ne muntu bu meme udi mua kutempa matempu, anyi?

2 Samuele 3:24

Hashishe Yoaba wakalua kudi mukelenge, wakamuebesha ne, Wewe Wakenza tshinyi? Mona, Abinê wakalua kûdi; wewe wakamutuma ne yeye wakamana kuya bua tshinyi?

Ekesode 32:21

Mose wakakonka Alona ne, Bantu bakakuenzela tshinyi bua wewe wakubavuishila bualu bubi?

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.

Balombodi 2:2

nuenu kanuhungi tshihungidi ne bena buloba ebu; nutonkole bioshelu biabo. Kadi nuenu kanuakatumikila dî dianyi; nuakuenza nunku bua tshinyi?

1 Samuele 14:43

Hashishe Shaula wakambila Yonatana ne, Ungambile tshiwakuenza. Yonatana wakamukudimuna dî ne, Bulelela, nakalabula buitshi bukese buakadi ku lusongo lua mulangala wakadi mu tshianza tshianyi; mona, bundi nʼabu mbua kufua.