Estere 8:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ mu mikanda ei mukelenge wakitabusha bua Bena Yuda badisangishe ku musoko ne ku musoko ne bua kuluangana ne kushiha ne kubutula ne kujimisha bukole buonso bua bantu bakadi bakeba kubaluisha, ne bakashi babo ne bana babo bakese, ne bua kubahaula;

MUKANDA WA MYIDI MUKULU

¹¹ Bavua bafundamu ne: Mukalenga mmuanyishe bua bena Yuda, badi mu bimenga bionsu bidi mu bukalenga, badisangishe bua kudilama ku njiwu. Mukalenga udi wanyisha bua mu ditunga dionsu dia bukalenga buende, ne mu tshisamba tshionsu tshidi bena Yuda basomba, bena Yuda bashipe, nansha bakose mutu wa muntu yonsu udi ubaluisha ne bia mvita mu bianza. Badi mua kushipa bakaji ne bana ba baluishi babu kabidi, ne kupawula bintu biabu.

Estere 8:11 Marejeleo ya Msalaba

Estere 3:13

Bakatuma mikanda ei mu bianza bia bantu ku nseke yonso ya mukelenge bua kushihabo ne bua kubutulabo Bena Yuda bonso ne batekete ne banunu ne bana bakese ne bakashi dituku dimue, mu dituku dia dikumi ne asatu dia ngondo wa dikumi ne ibidi, ngondo wa Adâ mene, ne bua kuhaulabo bintu biabo bionso.

Estere 9:18

Kadi Bena Yuda ba mu Shushana bakadisangisha hamue mu dituku dia dikumi ne asatu ne mu dituku dia dikumi ne anai kabidi; bakikisha mu dituku dia dikumi ne atanu, bakadisunguila dituku dia kudiabo bidia bia disanka ne musangelu.

Misambu 137:8

Ahu, wewe muana mukashi wa Babulona, udi ne bualu bua kubutudibua, disanka dikale kudi wakuhingashila difutu didi bu bienzedi biwakutuenzela.

Misambu 68:3

Kadi bantu bakane bikale ne disanka, balumbile ku mpala kua Nzambi; e, basanke bikole mu disanka diabo.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yezekiyele 39:10

Nunku kabena ne bua kudiangatshila nkunyi mu madimi abo, anyi kutaha mutshi mukuabo muitu bua kutshiaba nkunyi, bualu bua nebatemeshe kahia kabo ne bielelu abi bia nvita; nebahaule bantu aba bakabahaula, nebanyenge bintu bia bantu aba bakanyenga bintu biabo. Mukelenge Yehowa udi wamba dî edi!