Ekesode 35:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Usangishe kuha kua Yehowa munkatshi muenu; muntu yonso udi witabusha mu mutshima wandi, alue biandi ne kuha kua Yehowa: ne or ne argent ne tshiamu tshia mitaku,

MUKANDA WA MYIDI MUKULU

⁵ — Muntu yonsu afile mulambu bu mudiye musue. Milambu inudi mua kulambula Maweja-Nangila ikale ya mishindu mishilangane: ya tshiamu tshia mpawungi, ya tshiamu tshitoke tshia mushinga mukole, ne ya tshiamu tshikunze,

Ekesode 35:5 Marejeleo ya Msalaba

2 Bakalenga 12:4

Yoasha wakambila bakuidi ba Nzambi ne, Argent yonso ya bintu bidibo balua nʼabi mu nsubu wa Yehowa bua kumujidilabi, ne argent yonso idibo bangata kudi muntu yonso hamubalabo, ne argent yonso idi bantu basue kufila mu nsubu wa Yehowa bua mitshima yabo,

2 Kulondolola 29:31

Hashishe Hezikiya wakamba ne, Tuakadi idila kudi Yehowa; semenai ha buihi ne milambu ya kusakidila nʼai Yehowa mu nsubu wandi. Bantu bakalua ne milambu ya kumusakidila nʼai; bantu bakasua kuenza nunku mu mitshima yabo bakalua ne milambu ya kuosha kabidi.

Misambu 110:3

Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

Ekesode 25:1

Yehowa wakambila Mose ne,

Ekesode 35:21

Muntu yonso wakadi mutshima wandi umuenzesha ne wakadi tshihahai wakalua ne kuha kua Yehowa bualu bua mudimu wa nsubu wa tshitendelelu ne bintu bionso biakadi mu tshitendelelu ne bilulu bia tshijila.

Ekesode 35:29

Bena Isalele bonso, balume ne bakashi, ba mitshima miololoke bakitabusha kufila bintu ku mudimu wakadi Yehowa Wambila Mose bua kuenjibua, bakabika kudi Yehowa bu kuha kuabo kua disanka.

Ekesode 35:4

Mose wakambila Bena Isalele bonso ne, Ebu mbualu buakamba Yehowa ne,

Ekesode 35:6

ne bilulu bia bleu ne bikunzubile ne bikunze-kunzû ne bia lin ne miosa ya mbushi

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

Balombodi 5:9

Mutshima wanyi udi kudi bakokeshi ba mu Isalele bakadifila munkatshi mua bantu bua disua diabo; nuvudishile Yehowa disanka.