Ekesode 35:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Muntu yonso wakadi mutshima wandi umuenzesha ne wakadi tshihahai wakalua ne kuha kua Yehowa bualu bua mudimu wa nsubu wa tshitendelelu ne bintu bionso biakadi mu tshitendelelu ne bilulu bia tshijila.

MUKANDA WA MYIDI MUKULU

²¹ Bantu ba muoyi muimpe kufila milambu yabu kudi Maweja-Nangila bua kuasa ntenta wa kusambakena, bua midimu ya kutendelela, ne bua kutela bilamba bia tshijila.

Ekesode 35:21 Marejeleo ya Msalaba

2 Samuele 7:27

Bualu bua wewe Yehowa wa misumba, Nzambi wa Isalele, wakabulula muntu webe bualu ebu, wamba ne, Nenjadike tshiota tshiebe; nunku muntu webe wakadi ne bualu ebu mu mutshima wandi bua kukutendeleleye ne mitendelelu ei.

1 Kulondolola 28:2

Hashishe mukelenge Davidi wakajuka hanshi, wakimana ku makasa andi, wakamba ne, Unvuai, bana betu ne bantu banyi; meme nakadi ne bualu mu mutshima wanyi bua kuibakila mushete wa tshihungidi tshia mei a Yehowa nsubu wa kuikisha ne tshitekelu tshia muinshi mua makasa a Nzambi wetu; nakabanga kulongolola bintu bia kuasa nʼabi nsubu.

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

1 Kulondolola 29:14

Kadi meme nganyi ne bantu banyi mbanganyi, bua tuetu tuakadifidila bintu bietu nunku? Bualu bua bintu bionso bidi bifuma kûdi, tuakafila anu bintu biebe kûdi.

1 Kulondolola 29:3

Bualu bukuabo kabidi, bualu bua meme nakateka mutshima wanyi kudi nsubu wa Nzambi wanyi, meme nakafila mu nsubu wa Nzambi wanyi bibutshilu bianyi bia or ne bia argent ku mutu kua bintu binakalongolola bua muaba eu wa tshijila;

1 Kulondolola 29:8

Bakadi ne mabue a mushinga mukole, bakafila mu bibutshilu bia nsubu wa Yehowa mu tshianza tshia Yehiele, Muena Gêshona.

1 Kulondolola 29:9

Hashishe bantu bakasanka bualu bua bobo bakadifila bintu biabo; bualu bua bakafila bintu biabo ne mitshima mitoke kudi Yehowa; mukelenge Davidi wakatamba kusanka kabidi.

Ezela 2:68

Hakafika bakuabo bakadi ku mutu kua meku abo ku nsubu wa Yehowa wa mu Yelushalema, bakafila bintu biabo bu muakasua mitshima yabo kufila bia kuasabo nʼabi nsubu wa Nzambi mu muaba wandi;

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Misambu 110:3

Bantu bebe badi badifila kûdi ne disanka mu dituku diudi ukungisha misumba ya masalayi ebe. Bansongalume bebe badi balua kûdi bu mume, baluate biabo bilenga bia tshijila, bahatuke munda mua lunkelu.

Ekesode 25:2

Wambile Bena Isalele bua kumpeshabo bintu bia kuntendelela nʼabi, nenuangate kudi muntu ne muntu bintu bidi mutshima wandi musue bua kuntendelela nʼabi.

Ekesode 35:20

Hashishe, tshisumbu tshia Bena Isalele tshionso tshiakumuka ku mesu kua Mose.

Ekesode 35:22

Balume ne bakashi bakalua bungi buabo bakadi bitabusha mu mitshima yabo, bakalua ne tukanu tua ku matshu ne tukanu tua ku minu ne nkanu ya ku maboko ne bintu bionso bia or, muntu ne muntu wakalua ne kuha kua or kudi Yehowa.

Ekesode 35:26

Bakashi bonso bakadi ne lungenyi lule mu mitshima yabo bakakuma bilulu ne miosa ya mbushi.

Ekesode 35:29

Bena Isalele bonso, balume ne bakashi, ba mitshima miololoke bakitabusha kufila bintu ku mudimu wakadi Yehowa Wambila Mose bua kuenjibua, bakabika kudi Yehowa bu kuha kuabo kua disanka.

Ekesode 35:5

Usangishe kuha kua Yehowa munkatshi muenu; muntu yonso udi witabusha mu mutshima wandi, alue biandi ne kuha kua Yehowa: ne or ne argent ne tshiamu tshia mitaku,

Ekesode 36:2

Mose Wakabikila Besalele ne Oholiaba ne muntu yonso wakadi ne mutshima mûsha tente ne lungenyi kudi Yehowa, ne muntu yonso wakadi ne mutshima bua kulua kuenza mudimu.

Nsumuinu 4:23

Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

Yirmeya 30:21

Yehowa udi wamba ne, Muenyampala wabo neikale muntu muledibue munkatshi muabo, mukokeshi wabo neafume munkatshi muabo; nemmusemeshe ha buihi nʼanyi ne yeye nealue kundi; bualu bua muntu kai udi ne bukitu bua kusemeneye ha buihi nʼanyi?

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

2 Korente 8:12

Bikala kudilongolola kudiku, bidi bitabushibua bu mudi muntu nʼabi, kembu mudiye kai nʼabi.

2 Korente 9:7

Nunku muntu ne muntu afile bintu bu muakadisunguileye mu mutshima wandi; kafidi ne kanyinganyinga, anyi bu muenzesha ku bukole; bualu bua Nzambi udi musue muena kuha udi ufila ne disanka.

Balombodi 5:12

Tabala, tabala, Debola: Tabala, tabala, imba musambu; bika, Balaka, lombola bakuatshibua, wewe, muana wa Abinoama.

Balombodi 5:3

Unvuai, nuenu bakelenge, telejai matshu, nuenu bana ba bakelenge; meme mene, meme nengimbile Yehowa musambu; nengimbile Yehowa, Nzambi wa Isalele, musambu wa kumutumbisha nʼau.

Balombodi 5:9

Mutshima wanyi udi kudi bakokeshi ba mu Isalele bakadifila munkatshi mua bantu bua disua diabo; nuvudishile Yehowa disanka.