Ekesode 34:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bana benu ba balume bonso nebamueneke kudi Yehowa, Nzambi wa Isalele, misangu isatu ku tshidimu ku tshidimu.

MUKANDA WA MYIDI MUKULU

²³ “Bantu balume bonsu ba mu ditunga dienu, bikale badisangisha kumpala kuanyi meme Maweja-Nangila Mvidi Mukulu wa Izrayele, misangu isatu ku tshidimu tshionsu bua kuntendelela.

Ekesode 34:23 Marejeleo ya Msalaba

Genese 32:28

Yeye wakamuambila ne, Kababikidi dina diebe ne Yakoba kabidi bakubikile dina ne Isalele bualu bua wewe wakuluangana ne Nzambi ne bantu, wakahatula bukole.

Genese 33:20

Wakenzaku tshioshelu, wakatshidika dina ne, El-Elohe Isalele.

2 Kulondolola 8:13

buatshia-buatshia bu muakadi mikenji ya Mose, ku matuku a lumingu, ne hakabala ngondo, ne hakadiabo bidia bia disanka misangu isatu ku tshidimu ku tshidimu, hakadiabo bidia bidi kabiyi ne luevene, ne bidia bia disanka dia mbingu, ne bidia bia disanka dia bitandatanda.

Misambu 84:7

Badi baya ku bukole ne bukole; muntu yonso wa munkatshi muabo udi umueneka ku mpala kua Nzambi mu Siona.

Ekesode 23:14

Nuenu nenudie bidia bia disanka ku mesu kuanyi misangu isatu ku tshidimu ku tshidimu.

Ekesode 23:17

Balume bonso nebalue ku mesu kua Mukelenge Nzambi misangu isatu ku tshidimu ku tshidimu.

Yezekiyele 46:9

Kadi halua bantu ba mu buloba ebu ku mpala kua Yehowa mu bikondo biakusunguleye bua masanka a bidia, muntu wabuela bua kutendelela Yehowa ayile mu nshila wa ku tshibuelelu tshia ku luseke lua nôde, aluhukile mu nshila udi uya mu tshibuelelu tshia ku luseke lua sude; kadi wabuela mu nshila wa ku tshibuelelu tshia ku luseke lua sude aluhukile mu nshila udi uya mu tshibuelelu tshia ku luseke lua nôde; kahinganyi mu nshila wa ku tshibuelelu kuakubueleleye, kadi aluhukile mu nshila udi mululame ku mpala kuandi.

Dielulula 16:16

Balume bonso nebamueneke ku mesu kua Yehowa, Nzambi wenu, misangu isatu ku tshidimu ku tshidimu mu muaba udiye Usungula: ku disanka dia mampa adi kâyi ne luevene, ne ku disanka dia mbingu ai muanda mutekete, ne ku disanka dia bitandatanda; kabamueneki ku mesu kua Yehowa ne bianza bituhu:

1 Samuele 1:3

Muntu eu wakadi Umuka ku musoko wandi ku tshidimu ku tshidimu bua kutendeleleye ne bua kufileye milambu kudi Yehowa wa misumba ku Shilo. Bana balume babidi ba Eli, bakuidi ba Yehowa, bakadiku mena abo Hofeni ne Pinehasa.