Ekesode 33:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mose wakadi ushimika ntenta ku butshika bua tshitudilu, wakamubikila ne, Ntenta wa kusambakena Muntu yonso wakasua kukeba Yehowa wakaluhuka mu tshitudilu bua kuya ku ntenta wa kusambakena, wakadi ku butshika bua tshitudilu.

MUKANDA WA MYIDI MUKULU

⁷ Bamane kuasa mitanda, Moshe kumusha nzubu wa ntenta wa tshijila uvua munkatshi mua bantu, kumuasaye ku luseke, mutantshi mule ne muaba uvua bantu basombele. Kumuinyikaye dina ne: “Ntenta wa kusambakena”. Bavua basue kumonangana ne Maweja-Nangila, bavua bumuka mu mitanda yabu, baye mu ntenta ewu bua kuyukila ne Maweja-Nangila.

Ekesode 33:7 Marejeleo ya Msalaba

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

Misambu 10:1

Yehowa, wewe udi wimana kule kuakua bua tshinyi? Udi usokoma mu bikondo bia makenga bua tshinyi?

Misambu 27:8

Wewe wakuamba ne, Ukebe mpala wanyi. Mutshima wanyi wakukuambila ne, Yehowa, nenkebe mpala webe.

Misambu 35:22

Yehowa, wewe wakumona bualu ebu; kuhuwu nansha. Mukelenge, kuikadi nʼanyi kule.

Ekesode 18:12

Yetelo, tatu-muenu wa Mose, wakoshila Nzambi nyama ya mulambu, ne Alona ne bakulu ba Bena Isalele bakalua kudia bidia ne tatu-muenu wa Mose ku mesu kua Nzambi.

Ekesode 18:7

Mose wakaya kusangakena ne tatuʼandi-muenu, wakamukukuila, wakatuangana nʼandi mishiku, bakakonkangana bua malu abo, bakabuela mu ntenta.

Ekesode 33:6

Bena Isalele bakavula bintu bia kudilengesha nʼabi ku mukuna wa Holeba tô ne ku mpala kuakadibo baya.

Ekesode 33:8

Hakaya Mose ku tshitendelelu, bantu bonso bakabika, bakimana muntu ne muntu ku ntenta wandi, bakatangila Mose tô ne hakabueleye mu Ntenta.

Nsumuinu 15:29

Yehowa udi kule ne bantu babi, kadi udi unvua kulomba kua bantu bakane.

Yeshaya 59:2

Kadi malu mabi enu akadi alua hankatshi henu ne Nzambi wenu, ne mibi yenu yakadi isokoka mpala wandi kunudi, nunku yeye kena unvua.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!

Dielulula 4:29

Kadi kuaka nenukebe Yehowa, Nzambi wenu, nenusangakene nʼandi hanuamukeba ne mitshima yenu yonso ne mioyo yenu yonso.

Ebrewu 8:2

udi muena mudimu wa muaba mutambe tshijila ne wa tshitendelelu tshilelela tshiakashimikabo kudi Nzambi, katshiakashimikibua kudi muntu.