Ekesode 33:3 - Mukanda wa Nzambi Dihungila Dikulukulu ne Dihungila Dihia-dihia 2003

³ ku bu loba budi ne mabele ne buitshi bia bungi; bualu bua meme tshiena nya munkatshi muenu bualu bua nudi bantu ba buhidia bukole, bua tshinushihi mu nshila.

MUKANDA WA MYIDI MUKULU

³ Nuye mu ditunga edi didi ne biakudia bia bungi. Kadi meme tshiakuya nenu to, bualu nudi ne tshitunu, ndi mua kunubutula mu njila.

Ekesode 33:3 Marejeleo ya Msalaba

2 Bakalenga 17:14

Kadi kabakunvua, bakakolesha mitshima yabo bu muakenza bankambua babo bakadi kabayi bitabusha Yehowa, Nzambi wabo.

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Ekesode 13:5

Halua Yehowa nʼenu mu buloba bua Bena Kanana ne Bena Hiti ne Bena Amole ne Bena Hiwi ne Bena Yebuse buakalayeye batatuʼenu ne, Nennuhebu, buloba budi ne mabele ne buitshi bia bungi, nuenu nuvuluke tshilele etshi mu ngondo eu.

Ekesode 23:21

Udimuke ku mpala kuandi, unvue di diandi, kumufuishishi tshiji, yeye kena ukubuikidila bubi buebe bualu bua dina dianyi didi munda muandi.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Ekesode 32:14

Yehowa wakakudimuna mutshima wandi bua malu akeleye meji bua kuenzela bantu bandi.

Ekesode 33:5

Yehowa wakambila Mose ne, Wambile Bena Isalele ne, Nudi bantu ba buhidia bukole, binaya bianyi munkatshi muenu anu tshituha tshikese, nennushihe, nunku nuvule bintu bia kudilengesha nʼabi, bua meme mmanye tshindi mua kunuenzela.

Ekesode 34:9

Yeye wakamba ne, Bingikala muhete dianyisha ku mesu kuebe, Yehowa, witabushe bua Yehowa aye biandi munkatshi muetu; nansha bantu aba bikale ne buhidia bukole; utubuikidile kuhanga kuetu ne mibi yetu, utuitabushe bu buhianyi buebe.

Yeshaya 48:4

Bualu bua nakamanya ne, Wewe udi muena tshitshu, nshingu webe udi bu mulungu mukole bu tshiamu, ne mpala webe udi bu tshiamu tshia mitaku;

Yirmeya 11:5

bua njadike mutshihu wanyi unakaditshiha kudi bankambua benu, bua kubaha buloba budi bûle tente ne mabele ne buitshi, bu mudibu lelu eu. Hashishe meme nakitaba, nakamba ne, Amen, Yehowa!

Yezekiyele 20:6

mu dituku adi nakabisha tshianza tshianyi bua kuditshiha kudibo bua kubahatula mu buloba bua Ejipitu ne kubateka mu buloba bunakamana kubatentekelela, buloba budi bûle tente ne mabele ne buitshi, budi ne butumbi ku mpala kua maloba onso.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Yona 3:10

Nzambi wakamona bienzedi biabo, bu muakalekelabo nshila wabo mubi; ne Nzambi wakakudimuna mutshima wandi bua muanda mukole wakambeye diambedi ne, Nembenzele; yeye kakawenza nansha.

Yona 3:4

Yona mumane kuenda luendu lua dituku dimue munda mua musoko, wakabanga kuela dî ne, Hahita matuku makumi anai, nebabutule Ninewe.

Dibadika 13:27

Bakamuambila ne, Tuakuya mu buloba buwakatutuma, bulelela, buloba abu budi bûle tente ne mabele ne buitshi, â mmamuma a buloba.

Dibadika 14:12

Nembashihe ne disama dikole, nembahidie, nenkuvuishe wewe tshisamba tshidi tshibahita bunene ne bukole.

Dibadika 14:8

Bikala Yehowa ne disanka bualu buetu, yeye nealue nʼetu mu buloba ebu, neatuhebu; buloba budi bûle tente ne mabele ne buitshi.

Dibadika 16:13

bualu budi bukese bua wewe wakumuka nʼetu mu buloba budi bûle tente ne mabele ne buitshi bua kubishiha mu tshihela, udi musue kudibandisha bu mukelenge wetu kabidi, anyi?

Dibadika 16:21

Umukai bienu munkatshi mua tshisumbu etshi, nembashihe mu tshituha tshikese.

Dibadika 16:45

Umuka biebe munkatshi mua tshisumbu etshi tshia bantu, nenubashihe mu tshituha tshihi. Bobo bakahaula mpala yabo hanshi.

Bienzedi 7:51

Nuenu bena tshishiku, badi kabai batengudibue mu mitshima ne mu matshu, matuku onso nudi nuhidia Nyuma Muimpe; nudi nuenza bu muakenza bankambua benu.

Dielulula 4:24

Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

Yoshua 5:6

Bualu bua Bena Isalele bakendakana mu tshihela bidimu makumi anai tô ne hakajimishibua bena nvita bonso bakaluhuka mu Ejipitu, bualu bua bobo kabakunvua dî dia Yehowa; bakadi Yehowa muditshihe kudibo ne, Nuenu kanuena nutangila buloba buakalaya Yehowa batatu benu ne, Nennuhebu; buloba budi bûle tente ne mabele ne buitshi.

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.