Ekesode 32:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Alona wakamba ne, Mukelenge wanyi, kuikadi ne tshiji tshikole, wewe udi mumanye bantu aba, badi ne mitshima yabo ku malu mabi.

MUKANDA WA MYIDI MUKULU

²² Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Ekesode 32:22 Marejeleo ya Msalaba

Genese 44:18

Hashishe Yuda wakalua ha buihi nʼandi, wakamba ne, Mukelenge wanyi, witabushe, ndi nkutendekena, bua muntu webe ambile di ku matshu a mukelenge wanyi kunakadi ne tshiji kudi muntu webe, bualu bua wewe udi bu Palo mene.

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Ekesode 14:11

Bakambila Mose ne, Bualu bua kakuakadi nkita mu Ejipitu, wewe wakulua nʼetu bua tuetu kubala mu tshihela, anyi? Wakutuenzela nunku tshinyi, bua kutuhatula mu Ejipitu?

Ekesode 15:24

Bantu baka tontolola Mose ne, Netunue tshinyi?

Ekesode 16:20

Kadi bobo kabakitabusha dî dia Mose, bakuabo bakabishiya tô ne ku dinda, bishi biakabuelamu, bidia biakanunka muhuya mubi, Mose wakadi nʼabo tshiji.

Ekesode 16:28

Yehowa wakambila Mose ne, Nenuhidie kutumikila mikenji ne mei anyi musangu bule munyi?

Ekesode 32:1

Kakamanya bantu ne, Mose wakashala ku mukuna musangu mule, bakadisangisha kudi Alona, bakamuambila ne, Bika biebe, utuenzele nzambi idi mua kuya ku mpala kuetu, bua muntu au Mose, wakalua nʼetu mu Ejipitu, katuena bamanye bualu buakumukuata.

Ekesode 32:21

Mose wakakonka Alona ne, Bantu bakakuenzela tshinyi bua wewe wakubavuishila bualu bubi?

Nsumuinu 4:16

Bualu bua kabena balala tulu bikalabo kabayi benze bibi; tulu ludi tumuka kudibo bikalabo kabayi bahoneshe muntu.

Dielulula 31:27

Bualu bua meme ndi mumanye kutomboka kuenu ne tshitshu tshienu: monai, hantshidi ne muoyo munkatshi muenu lelu, nuakumana kutombokela Yehowa; nenutambe kutomboka ku nyima kua lufu luanyi!

Dielulula 9:24

Nuenu nutu nuahidia Yehowa katshia ku dituku dinakanumanya.

Dielulula 9:7

Vulukai, kanuhu muoyo bu munuakafuisha Yehowa, Nzambi wenu, tshiji mu tshihela; ku dituku dinuakahatuka mu buloba bua Ejipitu tô ne hanuakafika ku muaba eu, nuakahidia Yehowa.

1 Samuele 15:15

Shaula wakamba ne, Bakulua nʼai kudi Bena Amaleka bualu bua bantu katuakashiha mikoko ne ngombe biakatamba bulengele, bua kuyishihela Yehowa, Nzambi webe; kadi tuakashiha bintu bionso bikuabo.

1 Samuele 15:21

Kadi bantu bakangata bia mu bintu biakahaulabo, mikoko ne ngombe biakatamba bulengele bua kuyishihelabo Yehowa, Nzambi webe, mu Gilegala.

1 Samuele 15:24

Shaula wakambila Samuele ne, Nakuenza bualu bubi bualu bua nakuhidia mukenji wa Yehowa ne mei ebe kabidi; nakatshina bantu, nakatumikila mei abo.