Ekesode 3:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

MUKANDA WA MYIDI MUKULU

¹⁵ Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:15 Marejeleo ya Msalaba

Genese 24:12

Yeye wakamba ne, Yehowa, Nzambi wa mukelenge wanyi Abalahama, ndi nkulomba ne, Ungendeshe dikasa dimpe lelu, ufuile mukelenge wanyi Abalahama luse.

1 Kulondolola 16:16

tshihungidi tshiakahungeye ne Abalahama, mmutshihu wandi wakaditshiheye kudi Isaka.

1 Kulondolola 29:18

Yehowa, Nzambi wa Abalahama ne wa Isaka ne wa Yakoba, bankambua betu, witabushe bua bantu bebe bikale ne meji â onso munda muabo tshiendelele, ujadike mitshima yabo kûdi;

2 Kulondolola 28:9

Kadi muprofete wa Yehowa wakadiku, dina diandi Odede; yeye wakaya kusangakena ne tshisumbu tshia bantu bakadi bahingana ku Samalea, wakabambila ne, Monai, bualu bua Yehowa, Nzambi wa bankambua benu, wakadi ne Bena Yuda tshiji, yeye wakabafila mu bianza bienu, nuenu nuakabashiha ne tshiji tshikole tshiakafika tô ne mu diulu.

Misambu 102:12

Kadi wewe Yehowa, udi mushikame mu nkuasa wa butumbi kashidi; nebakuvuluke tô ne ku bikondo bionso.

Misambu 102:13

Wewe neujuke, nenfuile musoko wa Siona luse; bua tshikondo tshiakufika tshia kuwanyisha; e, tshikondo tshiwakuamba tshiakufika.

Misambu 135:13

Yehowa, dina diebe didiku tô ne tshiendelele; Yehowa, divuluka dia dina diebe didiku tô ne ku bikondo bionso.

Misambu 30:4

Imbilai Yehowa misambu ya kumutumbisha nʼai, nuenu bansanto bandi, sakidilai dina diandi dia tshijila.

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Misambu 68:5

Mu muaba wandi wa tshijila mudiye mushikame mudi Nzambi, tatu wa bana ba nshiya ne mulumbuluidi wa bakashi ba mu lufuila.

Misambu 72:17

Dina diandi nedishaleku tshiendelele! Dina diandi netushale kudi tunkanunuma tuandi hatshidi diba ditema. Bantu nebadivudishile disanka mu bualu buandi; bisamba bionso bia bantu nebimubikile ne, Udi ne disanka.

Misambu 72:19

Dina diandi dia butumbi divudishibue disanka tshiendelele; buloba bujima bûshibue tente ne butumbi buandi. Amen ne Amen.

Ekesode 15:2

Yehowa udi bukole buanyi ne musambu wanyi, yeye wakulua luhandu luanyi, Yeye udi Nzambi wanyi, nemmutumbishe, udi Nzambi wa tatuʼanyi, nemmunemeke.

Ekesode 15:3

Yehowa udi muena nvita, Yehowa ndina diandi.

Ekesode 3:13

Mose wakambila Nzambi ne, Hanaya bianyi kudi Bena Isalele, hanabambila ne, Nzambi wa batatuʼenu wakantuma kunudi, nebankonke ne, Dina diandi nganyi, nembambile tshinyi?

Ekesode 3:6

Wakamba kabidi ne, Ndi bianyi Nzambi wa tatuʼebe, Nzambi wa Abalahama, Nzambi wa Isaka, Nzambi wa Yakoba Mose wakayikila mesu andi, wakatshina kutangila Nzambi.

Ekesode 4:1

Mose wakandamuna ne, Kadi bobo kabena bangitabusha, kabena bunvua di dianyi, bobo nebambe ne, Yehowa kakamueneka kûdi nansha.

Ekesode 4:5

Yehowa wakamba ne, Bualu ebu nebubitabushishe ne, Yehowa, Nzambi wa bankambua babo, Nzambi wa Abalahama, Nzambi wa Isaka ne Nzambi wa Yakoba wakamueneka kudi.

Ekesode 6:2

Nzambi wakambila Mose ne, Meme ndi Yehowa.

Nsumuinu 18:10

Dina dia Yehowa didi tshibumba tshikole; mundi muakane udi unyemenaku, udi uhanduka.

Yeshaya 26:8

Bulelela, Yehowa, mu nshila wa kulumbulula kuebe, tuakukuindila; mitshima yetu idi ijinga dina diebe, idi ijinga tshivulukidi tshiebe.

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Yeshaya 63:12

Wakendesha diboko diandi didi ne butumbi ku luseke lua tshianza tshia balume tshia Mose, wakahandulula mai manene ku mpala kuabo, bua kudiangatshila dina ma tshiendelele,

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yirmeya 33:2

Edi ndî didi Yehowa wakafuka buloba ne wakabuenza bujadika, Yehowa ndina diandi,

Danyele 2:23

Ndi nkusakidila, ndi nkutumbisha, wewe Nzambi wa bankambua banyi, wakumpa meji ne bukole, ne mpindiu wakummanyisha bualu butuakulomba kûdi; bualu bua waku tumanyisha bualu abu bua mukelenge.

Osheya 12:5

Yehowa udi Nzambi wa misumba, dina diandi dia Yehowa ntshivulukidi tshiandi.

Osheya 12:6

Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

Lewitiki 24:11

muana mulume wa mukashi wa Bena Isalele wakateta dina dia Yehowa tshitelatela, wakamuhenda, ba kalua handikudi Mose. Dina dia mamu wandi diakadi Shelomita, muana mukashi wa Dibili, wa mu tshisamba tshia Dana.

Mika 4:5

Bualu bua ba mu bisamba bionso batshidi benda muntu ne muntu mu dina dia nzambi wandi; kadi tuetu netuende mu dina Yehowa Nzambi wetu tshiendelele.

Malaki 3:6

Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Matayi 22:32

Ndi bianyi Nzambi wa Abalahama, ne Nzambi wa Isaka, ne Nzambi wa Yakoba? Nzambi kena wa bafue, udi wa badi ne muoyo.

Bienzedi 3:13

Nzambi wa Abalahama ne wa Isaka ne wa Yakoba, Nzambi wa bankambua betu, yeye wakatumbisha Muana wandi Yesu, unuakufila, ne unuakuhidia ku mesu kua Pilato, hakasueye kumulekela.

Bienzedi 7:32

Ndi bianyi Nzambi wa bankambua bebe, Nzambi wa Abalahama ne wa Isaka ne wa Yakoba. Mose wakazakala, yeye kakadi ne bukitu bua kubumona.

Dielulula 1:11

Yehowa, Nzambi wa batatuʼetu, anukumbashe tô ne hanuahita bungi buenu bua katataka misangu tshinunu, anusankishe bu muakunulayeye!

Dielulula 1:35

Nansha muntu umue wa mu tshikondo etshi tshibi neatangile buloba ebu buimpe, bunakalaya batatuʼenu bua kunuhabu,

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Ebrewu 11:16

kadi katataka badi bajinga muaba mutambe buimpe, udi muaba mene wa mu diulu; nunku Nzambi kena ufua bundu bua bualu buabo bua kumubikilabo Nzambi wabo, bualu bua wakabalongoluela musoko.

Ebrewu 13:8

Yesu Kilisto udi muomumue makelela ne lelu ne tshiendelele.