Ekesode 29:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Wewe neubuikile mibi idi ha tshioshelu matuku muanda mutekete, utshijidile, tshioshelu netshikale bu tshintu tshitambe tshia tshijila, muntu yonso udi ulenga tshioshelu neikale wa tshijila.

MUKANDA WA MYIDI MUKULU

³⁷ Ujidile tshilambuilu matuku muanda mutekete bua kujimija mibi yonsu idiku. Ku tshilambuilu mmuaba wa tshijila menemene, muntu yonsu watshilenga, nansha tshintu tshilengaku nebipete dinyoka.

Ekesode 29:37 Marejeleo ya Msalaba

2 Kulondolola 7:9

Dituku dia muanda mukulu diakadi dia disangisha dia tshijila; bualu bua bakadi bajidila tshioshelu matuku muanda mutekete, ne bakadia bidia bia disanka matuku muanda mutekete.

Ekesode 40:10

Umuamine manyi ha tshioshelu tshia mulambu wa kuosha, ne ha bintu biatshi bionso, ujidile tshioshelu tshioshelu netshikale tshijidila.

Yezekiyele 43:20

Angata mashi andi makuabo, laba ku nsengu inai ya tshioshelu, ne ku matumba anai a tshituha tshia tshioshelu tshidi muinshi mua matshua, ne ku mihimbu idi mitshinyunguluke; nunku lengesha tshioshelu ne utshiumushile bubi.

Yezekiyele 43:25

Tô ne hahita matuku muanda mutekete longolola mpumbu wa mbushi buatshia-buatshia bu mulambu wa kubuikila nʼau bubi; bobo balongolole kahidi mulumʼa ngombe udi kayi ne tshilema ne tshimpanga tshia mu tshisumbu tshia mikoko tshidi katshiyi ne tshilema.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Lewitiki 16:16

Yeye neafile mulambu eu bua muaba wa tshijila, bualu bua Bena Isalele kabena bakane, ne bualu bua disambuka diabo dia mikenji, ne bualu bua malu mabi abo onso, nênze nunku bua kulengesha ntenta wa kusangakena udi munkatshi muabo, munkatshi mua bubi buabo.

Lewitiki 6:11

Neavule bilulu ebi, nealuate bilulu bikuabo, neatuale butue ku butshika bua tshitudilu ku muaba mutoke.

Lewitiki 8:11

Wakantumina manyi ku tshioshelu misangu muanda mutekete ne ku malonga atshi onso ne ku tshiowelu ne ku tshitaku tshiatshi bua kubijidila.

Agayi 2:12

Biatuala muntu munyinyi wa tshijila mu luzemba lua tshivualu tshiandi, bialenga luzemba luandi mampa, anyi bialengalu bintu bia mu tshifuadi, anyi nvinyo, anyi manyi, anyi tshia kudia tshia mushindu wonso, bintu ebi nebikale bia tshijila, anyi? Bakuidi bakamukudimuna ne, Nansha.

Matayi 23:17

Nuenu nudi bafofo bahote, tshintu kai tshidi tshitambe tshikuabo, ngolo anyi ntempelo ngudi uvuisha ngolo wa tshijila?

Matayi 23:19

Nuenu bafofo, tshintu kai tshidi tshitambe tshikuabo, tshidi tshifila anyi tshishihelu tshidi tshivuisha tshidi tshifila tshia tshijila?