Ekesode 29:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Wewe newangate bintu ebi ku bianza biabo, ubioshile ha tshioshelu bu mulambu udi utua dihembu dimpe ku mesu kua Yehowa, udi mulambu udibo boshila Yehowa ha kahia.

MUKANDA WA MYIDI MUKULU

²⁵ Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Ekesode 29:25 Marejeleo ya Msalaba

Genese 8:20

Noa wakashila Yehowa tshioshelu, wakangata wa nyama yonso idi miakane ne wa nyunyu yonso idi miakane, wakabika bu mulambu wa kuosha ha kalua ha tshioshelu.

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Misambu 99:6

Mose ne Alona bakadi munkatshi mua bakuidi bandi, Samuele kabidi wakadi munkatshi mua badi babikila dina diandi, bakadila kudi Yehowa, yeye wakabitaba.

Ekesode 29:18

Wewe newoshe tshimpanga tshijima ha tshioshelu, tshidi mulambu wa kuoshila Yehowa, udi utua dihembu, udibo boshila Yehowa ha kahia.

Ekesode 29:24

Uteke bintu ebi bionso mu bianza bia Alona ne mu bianza bia bana bandi balume, bobo nebabinyukule bu mulambu udibo banyukula ku mpala kua Yehowa.

Ekesode 29:41

Neufile muana wa mukoko mukuabo dilolo, neumufile ne mulambu wa bukula ne mulambu wa kunua, bu muwakenza dinda, bu mulambu wa dihembu dimpe, mulambu udibo boshila Yehowa ha kahia.

Lewitiki 1:13

kadi neuvuwe bintu bia munda ne bioku ne mai, ne muakuidi neoshile bintu bionso ha tshioshelu bu mulambu wa kuosha ha kahia bu tshintu tshidi tshitua dihembu kudi Yehowa.

Lewitiki 1:9

kadi nebuvuwe bintu bia munda ne bioku ne mai; ne muakuidi neoshile bintu bionso ha tshioshelu, bu mulambu udibo bosha ha kahia bu tshintu tshidi tshi tua dihembu kudi Yehowa.

Lewitiki 10:13

nenudie mu muaba wa tshijila, bualu bua etshi ntshintu tshiebe ne tshia bana bebe balume munkatshi mua milambu idibo boshila Yehowa ha kahia, bualu bua Yehowa wakangambila nunku.

Lewitiki 2:11

Kanulu kudi Yehowa ne mulambu wa bukula budi busangisha ne luevene, kanuoshi luevene anyi buitshi bu mulambu wa kuoshila Yehowa.

Lewitiki 2:16

Muakuidi neabuoshe bu tshivulukidi, tshituha tshia miehu nu tua ne tshia manyi ne musenga wonso wa manananshi tshintu etshi ntshintu tshia mulambu wa kuoshila Yehowa ha kahia.

Lewitiki 2:2

nealue nʼabu kudi bana balume ba Alona bakuidi, neambulule dianza tente ne bukula ne manyi abu ne manananshi abu onso, ne muakuidi neabuoshile ha tshioshelu, bu tshivilukidi, bu tshintu tshidi tshi tua dihembu kudi Yehowa,

Lewitiki 2:9

Muakuidi neameme tshituha tshia mulambu wa bukula bu tshivulukidi, neatshioshile ha tshioshelu ne kahia bu tshintu tshidi tshi tua dihembu kudi Yehowa.

Lewitiki 3:11

Muakuidi neabioshe ha tshioshelu etshi ntshintu tshia kudia tshidibo bafila bu mulambu wa kuoshila Yehowa ha kahia.

Lewitiki 3:14

Neafue mulambu wandi bu mulambu wa kuoshila Yehowa ha kahia, neumushe dianyi didi dibuikila bintu bia munda ne dianyi dionso didi ha mutu ha bintu bia munda,

Lewitiki 3:16

Muakuidi neabioshe ha tshioshelu etshi ntshintu tshia kudia tshidibo bafila bu mulambu wa kuoshila Yehowa ha kahia, bu tshintu tshidi tshitua dihembu, dianyi dionso ndia Yehowa.

Lewitiki 3:3

Yeye neoshe mulambu wa kuvuisha nʼau ditalala bu mulambu wa kuoshila Yehowa ha kahia, dianyi didi dibuikila bintu bia munda ne dianyi dionso dia ha mutu ha bintu bia munda,

Lewitiki 3:5

Bana balume ba Alona nebabioshile ha tshioshelu, ha nkunyi idi mu kahia tshintu etshi ntshintu tshia mulambu wa kuosha ha kahia, bu tshintu tshidi tshitua dihembu kudi Yehowa.

Lewitiki 3:9

Yeye neoshe mulambu wa kuvuisha nʼau ditalala bu mulambu wa kuoshila Yehowa ha kahia, yeye neumushe dianyi dionso ne dianyi dia mukila didi hehi ne muongo ne dianyi didi ha mutu ha bintu bia munda,

Lewitiki 7:25

Muntu yonso udi udia dianyi dia nyama udibo bafila bu mulambu wa kuoshila Yehowa ha kahia, nebamumushe munkatshi mua bana babo.

Lewitiki 7:5

neabioshe ha tshioshelu bu mulambu wa kuoshila Yehowa ha kahia eu udi mulambu wa disambuka dia mikenji.

Lewitiki 8:28

Mose wakangata bintu mu bianza biabo, wakabisha ha tshioshelu tshia mulambu wa kahia, ebi mbintu bia kujidila nʼabi bakuidi bu tshintu tshidi tshitua dihembu kudi Yehowa eu udi mulambu wa kuoshila Yehowa ha kahia.

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

1 Samuele 2:28

Tshiakamusungula munkatshi mua bisamba bionso bia Bena Isalele bua kuikaleye muakuidi wanyi ne bua kufueye milambu ku tshioshelu tshianyi ne bua kuosheye musenga wa manananshi ne bua kulaleye efoda ku mpala kuanyi, anyi? Meme tshiakaha ba mu nsubu wa tatu webe milambu yonso yakosha Bena Isalele ha kahia, anyi?