Ekesode 28:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Neutshiteke ha muonshi wa bleu muhindakasha, utshisuike ku mpala kua tshilulu.

MUKANDA WA MYIDI MUKULU

³⁷ Tshitata atshi, utshisuike kumpala kua tshifulu ne mukaba mukunzubile.

Ekesode 28:37 Marejeleo ya Msalaba

Ekesode 28:28

Nebasuike tshilulu tshia ha tshiadi ku nkanu yatshi ku nkanu ya efoda ne muonshi wa bleu muhindakasha, tshilulu tshia ha tshiadi netshikale hamʼbidi ha mukaba muluka bilengele wa efoda, kabasulule tshilulu tshia ha tshiadi ku efoda.

Ekesode 28:31

Wewe neutele tshikowelu tshia efoda ne bilulu bia bleu.

Ekesode 28:36

Wewe newenze tshikololo tshia tshiamu tshia or, neufundehu ne, TSHIA TSHIHE A KUDI YEHOWA.

Ekesode 28:38

Netshikale ha mpala ha Alona, ne Alona neatuale mahambuka a Bena Isalele mu muaba wa tshijila hayeye bua kubajidila ne bintu bidibo bafila kudi Nzambi, netshikale ha mpala handi matuku onso bua Yehowa abitabushe.

Ekesode 28:4

Ebi mbilulu bidibo ne bua kutela tshintu tshia kuteka ha tshiadi, ne efoda, ne tshikowelu, ne kazaku ka bibaka bibaka, ne tshilulu ne mukaba, bobo nebatelele Alona ne bana bandi bilulu bia tshijila, bua yeye ankuatshile mudimu wa buakuidi.

Ekesode 29:6

Teka tshifulu ha mutu handi ne tshitotolo tshia tshijila ha tshifulu.

Lewitiki 8:9

wakasa tshifulu ku mutu kuandi, wakasuika tshitotolo tshia tshiamu tshia or, tshintu tshia tshijila, ku mpala kua tshifulu, bu muakambila Yehowa Mose.

Zekâya 3:5

Nakamba ne, Bamujingile tshitambala tshitoke ku mutu kuandi. Nunku bakamujinga tshitambala tshitoke ku mutu kuandi, bakamuluatshisha bisalu biakane; ne muanjelo wa Yehowa wakadi muimane ha buihi.

Dibadika 15:38

Wambile Bena Isalele bua bobo ne tunkanunuma tuabo badienzele malenda ku bilulu biabo, ne bobo bateke muonshi wa bleu ku malenda abo.