Ekesode 28:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wewe newenzeshe tshilulu tshia dilumbulula tshia ha tshiadi kudi bantu badi ne lungenyi lule, bobo nebenze tshilulu etshi bu muakenzabo efoda, ne bintu bia or ne bilulu bia bleu ne bikunzubile ne bilulu bikunze-kunzû ne bia lin mutambe buimpe.

MUKANDA WA MYIDI MUKULU

¹⁵ “Uteleshe tshilamba tshia kuvuala pa tshiadi, tshia pa dilumbulula. Tshilamba atshi, tshikale tshitela ne buanda bua ndanda, busambakaja ne bua miosa ya nyama bufikuluke, bukunzubile ne bukunze kunzuu. Tshikale tshitela bu tshilamba tshia efode ne buanda buengelela bu tshiamu tshia mpawungi.

Ekesode 28:15 Marejeleo ya Msalaba

Ekesode 25:7

mabue a mushinga mukole adibo bateka mu efoda ne mu tshiamu tshidibo baluata ha tshiadi.

Ekesode 26:1

Wewe newase tshitendelelu ne bilulu binene dikumi bia lin mutambe buimpe, bilulu bia bleu ne bilulu bikunzubile ne bilulu bikunze-kunzû, ubienze ne bakeluba benjibue ne lungenyi lule.

Ekesode 26:36

Enza biebe tshilulu tshia kuteka ku mbelu kua tshitendelelu tshia buanda bua bleu ne bukunzubile ne bukunze-kunzû ne bua lin mutambe buimpe, utshienzeshe kudi muntu udi ne lungenyi lule lua kulengesha.

Ekesode 28:14

ne tukanu tua or tubidi, tudi tuhindakasha bu muonshi, uteke tukanu ku bitubuidi.

Ekesode 28:16

Utshidikishe nseke mai mikosolola hankatshi bua kuikala nseke ibidi ya bunene bumue, buludi buatshi nebuikale bu ntanta wa tshianza, ne butshiama buatshi bu ntanta wa tshianza.

Ekesode 28:30

Ubueshe mabue a Ulima ne Tumima mu masoso a mu tshilulu tshia dilumbulula tshia ha tshiadi, a neikale ha mutshima wa Alona hayeye ku mpala kua Yehowa, Alona neatuale kulumbulula kua malu a Bena Isalele ku mpala kua Yehowa matuku onso.

Ekesode 28:4

Ebi mbilulu bidibo ne bua kutela tshintu tshia kuteka ha tshiadi, ne efoda, ne tshikowelu, ne kazaku ka bibaka bibaka, ne tshilulu ne mukaba, bobo nebatelele Alona ne bana bandi bilulu bia tshijila, bua yeye ankuatshile mudimu wa buakuidi.

Ekesode 28:6

Bobo nebatele efoda ne bintu bia or ne bilulu bia bleu ne bukunzubile ne bikunze-kunzû ne bia lin mutambe buimpe, bintu bidibo benzesha kudi bantu badi ne lungenyi lule.

Ekesode 29:5

Wewe newangate bilulu, uluatshishe Alona tshikowelu ne tshilulu tshia ha mutu ha efoda ne efoda ne tshilulu tshia ha tshiadi ne umuele mukaba muluka bilengele wa efoda ku tshimono.

Lewitiki 8:8

Wakamuluatshisha tshilulu tshia ha tshiadi, wakateka Ulima ne Tumima mu tshilulu tshia ha tshiadi,