Ekesode 27:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

MUKANDA WA MYIDI MUKULU

²¹ Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

Ekesode 27:21 Marejeleo ya Msalaba

Genese 1:5

Nzambi wakidika munya ne, Munya, wakidika mîdima ne Butuku Dinda ne dilolo biakadi dituku dia kumudilu.

Genese 1:8

Nzambi wa kuhita mulu ne, Diulu, dilolo ne dinda biakadi dituku dibidi.

2 Kulondolola 13:11

bobo badi bafila milambu ya kuosha ne musenga wa manananshi kudi Yehowa ku dinda ku dinda ne ku dilolo ku dilolo; badi bateka bidia bilesha ha mesa a tshijila kabidi; badi batemesha minda idi ha bitekelu bia or ku dilolo ku dilolo kabidi; bualu bua tuetu tudi tulonda mukenji wa Yehowa Nzambi wetu; kadi nuenu nuakumlekela.

Misambu 134:1

Monai, nuvudishile Yehowa disanka, nuenu bena mudimu bonso ba Yehowa, badi bimana mu nsubu wa Yehowa butuku!

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 16:34

Alona wakabiteka ku mpala kua Mushete wa Yehowa bu muakambila Yehowa Mose.

Ekesode 25:16

Wewe neuteke mu mushete mabue a dihungila andi nkuha.

Ekesode 28:43

Alona ne bana bandi balume nebaluate mihanu ei hayabo mu tshitendelelu anyi hayabo hehi ne tshioshelu bua kuenza mudimu wabo mu muaba wa tshijila, bobo kabatuadi mahambuka, kabafu. Mukenji eu newikale kudiye ne kudi bana bandi badi banulonda ku nyima tô ne tshiendelele.

Ekesode 29:28

Tshintu etshi netshikale tshituha tshia Alona ne tshia bana bandi balume kudi Bena Isalele tshiendelele, bualu bua tshidi tshituha tshia bakuidi tshia mu mulambu ya kuvuisha nʼai ditalala ya Bena Isalele, tshidi mulambu udibo babisha mulu kudi Yehowa.

Ekesode 29:42

Neboshile bintu ebi ku dituku ku dituku ku bikondo bienu bionso ku tshibi tshia ntenta wa kusangakena ku mesu kua Yehowa, kundi nsangakena nʼenu bua kuyikila nʼebe.

Ekesode 29:44

Meme nenjidile ntenta wa kusangakena ne tshioshelu, nenjidile Alona ne bana bandi balume kabidi bua kunkuatshilabo mudimu wa buakuidi.

Ekesode 30:21

Nunku bobo neboweshe bianza biabo ne makasa abo ne mai, bua bobo kabafu, etshi ntshilele tshiabo tshiendelele kudiye ne bana bandi badi banulonda ku nyima ku bikondo biabo bionso.

Ekesode 30:36

Wewe neuboteshe tshituha, utshiteke ku mpala kua mushete wa Nzambi mu ntenta wa kusangakena kundi nsangakena nʼebe, netshikale tshilamba tshia tshima kunudi.

Ekesode 30:8

Hatemesha Alona minda dilolo, yeye neoshe musenga wa manananshi bu tshintu tshidi tshitua dihembu kudi Yehowa ku bikondo bienu bionso.

Ekesode 40:3

Ubueshemu mushete wa tshihungidi tshia mei a Nzambi, ubuikile mushete ne tshilulu tshia mu nsubu.

Lewitiki 10:9

Wewe ne bana bebe balume, kanunu nvinyo ne bintu bikole bia kunua hanuahuola mu ntenta wa kusambakena bua kanufu bienu. Mukenji eu newikale kunudi bikondo bienu bionso tshiendelele.

Lewitiki 16:34

Eu newikale mukenji kunudi tshiendelele bua kubuikila bubi bua Bena Isalele musangu umue ku tshidimu ku tshidimu. Bakenza bu muakambila Yehowa Mose.

Lewitiki 17:7

Nunku kabena bashihela ba-demon milambu yabo hadibo benda nʼabo masandi. Eu newikale mukenji kudibo bikondo biabo bionso.

Lewitiki 23:14

Kanudi mampa anyi manvua akoshabo mu kahia, anyi manvua mabishi dituku edi diambedi kanuyi banze kufila milambu yenu kudi Nzambi eu udi mukenji wa tshiendelele mu bikondo bienu bionso mu nsubu yenu yonso.

Lewitiki 23:21

Wewe newambile bantu dituku adi bua dituku adi dikale dituku dia disangisha dia tshijila kunudi, kanuenji mudimu eu udi mukenji wa tshiendelele mu nsubu yenu yonso tô ne mu bikondo bienu bionso.

Lewitiki 24:2

Wambile Bena Isalele bua bobo balue kûdi ne manyi akatuabo bua kutemesha nʼau minda ku dituku ku dituku.

Lewitiki 24:3

Alona nealongolole minda dilolo ne dinda ku mesu kua Yehowa ku dituku ku dituku, ku mpala kua tshilulu tshia ku muaba wa tshijila mu ntenta wa kusangakena eu udi mukenji wa tshiendelele mu bikondo bienu bionso.

Lewitiki 24:9

Bintu ebi mbia Alona ne bana bandi balume, ne nebabidie mu muaba udi wa tshijila bualu bua bidi bitambe tshijila ku mesu kua Yehowa munkatshi mua mulambu yonso idibo bosha ha kahia. Eu udi mukenji wa tshiendelele.

Lewitiki 3:17

Bualu ebu nebuikale bu mukenji wa tshiendelele mu nsubu yenu yonso mu bikondo bienu bionso kanudi nansha dianyi nansha mashi.

Lewitiki 3:8

neatenteke tshianza tshiandi ha mutu ha muana wa mukoko wa mulambu wandi, neamushihe ku mbelu kua ntenta wa kusangakena, bana balume ba Alona nebamiamine mashi ku tshioshelu.

Lewitiki 6:15

Yeye neambule dianza dia bukula bubotesha tente budi busangisha ne manyi ne musenga wa manananshi, neabuoshe ha tshioshelu bu tshintu tshidi tshima dihembu, bu tshivulukidi kudi Yehowa.

Lewitiki 7:36

Yehowa wakela mukenji wandi kudi Bena Isalele bua kubahabo tshintu etshi mu dituku diakabasunguleye. Etshi ntshintu tshiabo tshiendelele mu bikondo biabo bionso.

Malaki 2:7

Bualu bua mishiku ya muakuidi idi ne bua kulama lungenyi, ne bantu badi ne bua kukeba diyisha diakane mukana muandi; bualu bua yeye udi messager wa Yehowa.

Dibadika 18:23

Kadi Bena Lewi nebenze mudimu wa mu ntenta wa kusambakena, bobo nebadituadile bubi buabo eu udi mukenji wa tshiendelele ku bikondo bienu bionso, bobo kabena ne buhianyi munkatshi mua Bena Isalele.

Dibadika 18:5

Nuenu nenulame tshitendelelu ne tshioshelu, nunku mulau mukuabo kaukuatshi Bena Isalele.

Dibadika 19:21

Eu newikale mukenji wa tshiendelele kudibo muntu udi umiamine mai a kubalengesha nʼau, neuvuwe bilulu biandi, muntu udi ulenga mai a kubalengesha nʼau tshianza neikale bu muntu udi kayi muakane tô ne ku dilolo.

Dibadika 35:29

Ei idi mikenji ya kuhumbulula hai malu ku bikondo bienu bionso, mu miaba yonso mudi nushikama,

Dibadika 8:9

Ulue biebe ne Bena Lewi ku mbelu kua ntenta wa kusambakena, usangishe tshisumbu tshionso tshia Bena Isalele,

Matayi 4:16

Bantu bakadi bashikame mu midima Bakatangila dinkenka dinene, Munya wakatemena bantu bakadi bashikame mu muaba wa lufu Ne mu mundidimbi walu.

Luke 12:35

Nuele mikaya yenu, minda yenu ikale itema;

Yowanane 5:35

Yeye wakadi muinda utema ukenka; nuenu nuakitabusha bua kusanka mu dinkenka diandi musangu.

2 Korente 4:6

Bualu bua Nzambi nguakamba ne, Munya neuteme mu mîdima; yeye wakatema mu mitshima yetu bua kutuha dinkenka dia lungenyi lua butumbi bua Nzambi ha mpala ha Yesu Kilisto.

2 Petro 1:19

Ne tudi ne di diakamba baprofete ditamba kujadikibua; nunku nudi nuenza bimpe binuadimuka bienu, bu mudibu kudi muinda udi utema mu muaba wa midima, tô ne hatshia butuku ne habanda mutoto wa nkesha mu mitshima yenu;

Didimanyisha 2:1

Fundila muanjelo wa ekelesia wa ku Efeso ne, Udi ukuata mitoto muanda mutekete mu tshianza tshiandi tshia balume, udi wenda munkatshi mua bitekelu bia minda muanda mutekete, udi wamba malu â ne,

1 Samuele 3:3

muinda wa Nzambi kawakanji kujima ne Samuele wakadi mulale tulu mu ntempelo wa Yehowa kuakadi mushete wa Nzambi:

1 Samuele 30:25

Nunku ku dituku adi wakajadika mei â bu mukenji mufunda ne mujalame kudi Bena Isalele tô ne ku dituku edi.