Ekesode 23:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua muanjelo wanyi neaye ku mpala kuebe, nealue nʼebe kudi Bena Amole ne kudi Bena Pelizi ne kudi Bena Hiti ne kudi Bena Kanana ne kudi Bena Hiwi ne kudi Bena Yebuse, ne meme nembashihe.

MUKANDA WA MYIDI MUKULU

²³ “Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Ekesode 23:23 Marejeleo ya Msalaba

Genese 24:7

Yehowa, Nzambi wa mulu, wakangumusha ku nsubu wa tatu wanyi ne ku buloba buakandelabo, wakabambila, wakandaya ne, Nempe tunkanunuina biebe buloba ebu yeye mene neatume muanjelo wandi ku mpala kuebe, ne wewe newangatshile muanʼanyi mukashi kuakua.

Genese 34:2

Shekeme muana mulume wa Hamo, Muena Hiwi, mukelenge muana wa buloba, wakamutangila wakamukuata, wakalala nʼandi, wakamufuisha bundu.

Ekesode 18:8

Mose wakambila tatuʼandi-muenu malu onso akenzela Yehowa Palô ne Bena Ejipitu bualu bua Bena Isalele, ne bua makenga akabakuata mu nshila, ne muakabasungila Yehowa.

Ekesode 23:20

Mona, ndi nfuma muanjelo ku mpala kuebe, bua kukulama mu nshila ne bua kulua nʼebe mu muaba unakakulongoluela.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 32:2

Alona wakabambila ne, Nukuohole nkanu ya or idi ku matshu a bakashi benu ne a bana benu ba balume ne a bana benu ba bakashi, nulue nʼai kundi.

Yeshaya 5:13

Bua malu â bantu banyi badi babuela mu buhika bualu bua kabena ne meji; bantu babo baneme badi bafua ne nzala, ne nyota idi isuma ba mu tshisumbu tshiabo tshia bantu bangi.

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Yoshua 23:9

Yehowa wakanuihatshila bisamba binene ne bikole; kakuakadi muntu wakanutantamena tô ne ku dituku edi.

Yoshua 5:13

Hakadi Yoshua hehi ne Yeleko, wakabanduluka, wakatangila ne, monai, muntu wakadi muimane hehi nʼandi ne muele wa nvita mu tshianza tshiandi, ne Yoshua wakaya kudiye, wakamukonka ne, Wewe udi ku luseke luetu anyi ku luseke lua badi nʼetu lukuna?

Yoshua 9:1

Kakunyua bakelenge bonso ba dia munemu dia Yadene, ku mikuna ne mu bibanda ne kukala kua mai manene ku mpala kua Lebanona, Bena Hiti ne Bena Amole ne Bena Kanâna ne Bena Pelizi ne Bena Hiwi ne Bena Yebuse, lumu elu;