Ekesode 23:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nudimuke mu malu onso anakanuambila, kanuambilanganyi dina dia nzambi mikuabo, bantu bakuabo kabunvu dina adi mukana muebe.

MUKANDA WA MYIDI MUKULU

¹³ “Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 23:13 Marejeleo ya Msalaba

Misambu 16:4

Tunyinganyinga tuabo netukumbane kudi badi baha nzambi mikuabo maha abo bua kubenga Yehowa. Meme tshiena nfila milambu yabo ya mashi idibo bahumuna, tshiena ntela mena ai ku mishiku yanyi.

Misambu 39:1

Nakamba ne, Nendame mundi ngenda mu nshila yanyi, bua tshienji bibi ku ludimi luanyi. Nenteke tshintu tshia kujibika nʼatshi mukana muanyi, tô ne hatshidi muntu mubi ku mpala kuanyi.

Ekesode 23:24

Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Ekesode 23:32

Kuhungi nʼabo tshihungidi anyi ne nzambi yabo.

Yirmeya 10:11

Bualu bua nuenu kubambila budi nunku ne, Nzambi idi kayiyi mifuke diulu ne buloba neyijimine ha buloba ne muinshi mua diulu.

Osheya 2:17

Bualu bua nengumushe mena a Ba-Bâla mukana muandi, kabena batela mena abo kabidi.

Zekâya 13:2

Yehowa wa misumba udi wamba ne, Mu dituku adi nenjimishe mena a mpingu mu buloba, ne bantu kabena bayivuluka kabidi kashidi; nengihate baprofete ne nyuma ya bukoya mu buloba.

Dibadika 32:38

ne Nebo ne Bâla-meona (bakidika misoko ei mena mahia-mahia) ne Sibema; bakidika misoko mikuabo yakasabo mena mahia-mahia.

Efeze 5:12

Bualu bua malu adibo benza mu musokoko adi atufuisha bundu bituâmba.

Efeze 5:15

Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi;

Dielulula 12:3

Nenushale bioshelu biabo, nutshibule mabue abo bituha, nuoshe Bashela babo ne kahia; nenutahe mpingu yakasongabo ne tshifuanyikishi tshia nzambi yabo; nenjimishe mena abo mu muaba au.

Dielulula 4:15

Nudimuke bienu bimpe; bualu bua kanuakatangila tshifuanyikishi tshia muntu dituku diakasomba nʼenu Yehowa mu Holeba munkatshi mua kahia;

Dielulula 4:23

Nudimuke bienu, kanuhu muoyo bua tshihungidi tshia Yehowa, Nzambi wenu, tshiakahungeye nʼenu: kanudisongidi luhingu anyi tshifuanyikishi tshia tshintu tshimue tshiakanuhidisha Yehowa, Nzambi wenu,

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 6:1

Ei mmikenji ne â mmei ne â mmalu wakangambila Yehowa bua kunumanyisha, bua nuenu nubienze mu buloba bunudi nuhiana:

1 Timote 4:16

Wikale mudimuke ku malu ebe ne ku diyisha diebe. Unanukile kushala mu malu â; bua bawenza nunku, neudisungile wewe ne bobo kabidi badi bunvue mei ebe.

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Yoshua 22:5

Nuikale ne dinanukila dia kutumikila mei ne mikenji biakanuambila Mose, muntu wa Yehowa, bua kusua Yehowa, Nzambi wenu, ne bua kuenda mu nshila yandi yonso, ne bua kutumikila mikenji yandi, ne bua kulamata kudiye, ne bua kumukuatshia mudimu ne mitshima yenu yonso ne mioyo yenu yonso.

Yoshua 23:11

Nudimuke bienu bua nuenu nusue Yehowa, Nzambi wenu.

Yoshua 23:7

kanubuelakanyi ne bisamba ebi bidi bishala munkatshi muenu; kanutedi mena a nzambi yabo, kanuditshihi kudiyi, kanuyikuatshidi mudimu, kanuyikukuidi;