Ekesode 22:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ ne tshiji tshianyi netshitambe bukole, nennushihe ne muele wa nvita, ne bakashi benu nebikale bakashi ba mu lufuila ne bana benu nebikale bana ba nshiya.

MUKANDA WA MYIDI MUKULU

²⁴ “Pikala muntu mupela wa mu tshisamba tshianyi ukenga, wewe mumusombeshe makuta, kumulombi tshia kasombela to.

Ekesode 22:24 Marejeleo ya Msalaba

Nehemya 5:7

Nakadielela meji munda muanyi, nakatandangana ne bantu banene ne bakokeshi, nakabambila ne, Muntu ne muntu udi ulomba tshia kasombela kudi muanʼabo. Nakashikika tshisumbu tshinene tshia bantu ku mpala kuabo.

Yobe 31:23

Bualu bua dikenga difume kudi Nzambi diakankuatshisha buowa, tshiakadi ne bukole ku mpala kua butumbi buandi.

Misambu 109:2

Bualu bua mukana mua muntu mubi ne mua mashimi mudi mubulula bua kumbanda. Bakunsonguela ne ndimi idi yamba mashimi.

Misambu 109:9

Bana bandi bikale bana ba nshiya, mukashi wandi ikale mukashi wa mu lufuila.

Misambu 15:5

Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

Misambu 69:24

Uhumune tshiji tshiebe hamʼbidi habo, ditema dia tshiji tshiebe tshikole difike kudibo, dibakuate.

Misambu 76:7

Wewe, wewe hebe, udi ukuatshisha bantu buowa; nganyi udi mumanye mua kuimana ku mpala kuebe hawakuata tshiji?

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Yirmeya 18:21

Nunku udie bana bakalelabo bua kufuabo ne tshiole; ubafile ku bukole bua muele wa nvita; bakashi babo bashale kabayi ne bana bakalelabo ne bakashi ba mu lufuila; balume babo bafue ku tshihuhu, bansongalume babo bashihibue mu nvita ku muele wa nvita.

Muadi 5:3

Tuakulua bu bana ba nshiya, bu badi kabayi ne batatuʼabo; bamamuʼetu badi bu bakashi ba mu lufuila.

Lewitiki 25:35

Bialua mukuenu mundi muhele, biateketa maboko andi ha buihi hebe, wewe neumukuatshishe, yeye neikale kûdi bu muenyi anyi bu muena luendu.

Lewitiki 25:36

Kumulombi tshia kasombela, kadi utshine Nzambi webe, mukuenu neikale nʼebe.

Nahume 1:6

Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

Luke 6:38

nuhe bantu bintu, nunku nebanuhe bintu kabidi; nebafile mu biadi bienu tshihikilu tshiakane, tshishindika, tshisekenkesha, tshihongoloka. Bualu bua nebanuhikile bintu ne tshihikilu tshinudi nubahikila nʼatshi kabidi.

Dielulula 23:20

Nudi mua kuamba muntu wa bende kasombela; kadi kanulombi mukuenu kasombela; bua Yehowa, Nzambi wenu, anuvudishile disanka mu malu onso anudi nuenza ne bianza, mu buloba bunudi nuya bua kubuhiana.

Dielulula 23:21

Hanuaditshiha ku mesu kua Yehowa, Nzambi wenu, kanuhangi kushikisha mitshihu yenu; bualu bua Yehowa, Nzambi wenu, nealombe bua nuyishikishe; ne bualu ebu nebuikale bubi kunudi binuahanga kuyisbikisha.

Ebrewu 10:31

Mbualu bua buowa bua kuhona mu bianza bia Nzambi udi ne muoyo.