Ekesode 20:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kanuenji nzambi mikuabo bua kuikala hehi nʼanyi nzambi ya tshiamu tshia argent anyi nzambi ya tshiamu tshia or, kanuyenji.

MUKANDA WA MYIDI MUKULU

²³ Kanuenji mpingu ya mvidie, mifula ne biamu bitoke bia mushinga mukole nansha ne mpawungi. Kanuenji mvidie inudi nutendelela pamue nanyi!

Ekesode 20:23 Marejeleo ya Msalaba

2 Bakalenga 17:33

Bakatshina Yehowa, kadi bakakuatshila nzambi yabo mudimu, bu muakenza bantu ba mu bisamba biakabumusha.

2 Bakalenga 17:41

Nunku ba bisamba ebi bikuabo bakatshina Yehowa, bakatendelela mpingu yakasongabo; nunku bana bakalelabo ne bana bakadi bana babo balele badi benza bu muakenza batatu babo tô ne ku dituku edi.

Ekesode 32:31

Mose wakahingana kudi Yehowa, wakamba ne, Bantu aba bakuenza bualu bubi bunene, bakudienzela nzambi wa or.

Ekesode 34:17

Kudisongidi mpingu.

Yezekiyele 20:39

Mukelenge Yehowa udi wamba bua bualu buenu, nuenu ba mu tshisamba tshia Bena Isalele, ne, Yai bienu, muntu ne muntu, nukuatshile mpingu yenu mudimu; kadi ku nyima nenungunvuile bimpe, ne kanuena munyanga dina dianyi dia tshijila ku bintu binudi nufila ne ku mpingu yenu.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.

Danyele 5:23

Kadi wakudibandisha ne wakuhetula Mukelenge wa mu diulu; bua bakulua ne mpanza ya mu nsubu muandi ku mpala kuebe; wewe ne miloho yebe, bakashi bebe ne bakashi bahika bawakabaka nuakunuinamu nvinyo. Wewe wakutumbisha nzambi ya tshiamu tshia argent ne tshia or, ya tshiamu tshia mitaku, ya tshiamu tshifike, ya mitshi ne ya mabue, nzambi idi kayiyi mua kumona anyi kunyua anyi kumanya bualu. Kuena mutumbishe Nzambi udi ne muhuya webe mu tshianza tshiandi, udi mumanye bienzedi biebe bionso.

Danyele 5:4

Bakanua nvinyo, bakatumbisha nzambi ya or ne ya argent, ya tshiamu tshia mitaku, ya tshiamu tshifike, ya mitshi ne ya mabue.

Lewitiki 19:4

Kanukudimunyi mitshima yenu kudi mpingu, kanudienzedi mpingu ne tshiamu tshiakengululabo mu kahia ndi Yehowa, Nzambi wenu.

Sefanya 1:5

ne badi batendelela bintu bia mu diulu ha mitu ha nsubu yabo; badi batendelela ne badi baditshiha kudi Yehowa, ne badi baditshiha kudi Milekoma diatshimue.

Dielulula 27:15

Muntu yonso udi usonga luhingu anyi udi wenza luhingu ne tshiamu tshiakatulabo kudi muntu udi ne lungenyi lule, udi kujadika mu musokoko, ntshintu tshibi ku mesu kua Yehowa, udi ne mulau. Bantu bonso nebakudimune dî ne, Amen.

Dielulula 29:17

ne nuenu nuakatangila malu mabi abo ne mpingu yabo ya mitshi ne ya mabue ne ya tshiamu tshia argent ne tshia or yakadi munkatshi muabo;

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.

Balombodi 17:3

Yeye wakatangisha bituha bia argent tshinunu tshimue ne lukama lumue kudi mamu wandi; mamu wandi wakamba ne, Ndi njidila Yehowa argent ku tshianza tshianyi bualu bua muanʼanyi, bua kusongeye nʼai mpingu ne bua kutuleye nʼai mpingu; nunku nenkuhingishileyi.