Ekesode 20:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Unemeke tatuʼebe ne mamuʼebe, bua matuku ebe ikale a bungi mu buloba budi Yehowa, Nzambi webe, ukuha.

MUKANDA WA MYIDI MUKULU

¹² “Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Ekesode 20:12 Marejeleo ya Msalaba

Genese 48:12

Yosefe wakabumusha hankatshi ha binu biandi, wakatua mpala wandi hanshi.

Genese 50:12

Bana ba Yakoba bakamuenzela bu muakabambileye,

1 Bakalenga 2:19

Nunku Betasheba wakaya kudi mukelenge Solomo bua kumuambila bualu bua Adoniya. Mukelenge wakajuka bua kusangakeneye nʼandi, wakatua mpala wandi hanshi ku mesu kuandi, wakashikama mu nkuasa wa bukelenge kabidi; wakamba dî bua kutekelabo mamu wa mukelenge nkuasa wa bukelenge mukuabo, wakashikama ku tshianza tshiandi tshia balume.

2 Bakalenga 2:12

Elisha wakamumona, wakela dî diandi ne, Tatu wanyi, tatu wanyi, dikalu dia Isalele ne badi benda ha tabalu tuadi! Yeye kakamutangila kabidi. Yeye wakavula bilulu biandi, wakabihanda bihese bibidi.

Ekesode 21:15

Muntu udi ukuma tatuʼandi anyi mamuʼandi, nebamushihe bulelela.

Ekesode 21:17

Muntu udi uhenda tatuʼandi anyi mamuʼandi, nebamushihe bulelela.

Nsumuinu 15:5

Muhote udi uhetula diyisha dia tatuʼandi, kadi udi unvuila bamubedi udi ne budimu.

Nsumuinu 17:6

Bikulu badi tshifulu tshia butumbi tshia bantu banunu; butumbi bua bana mbatatu babo.

Nsumuinu 20:20

Biela muntu tatuʼandi anyi mamuʼandi mulau, nebajime muinda wandi mu midima mikole.

Nsumuinu 28:24

Udi wiba bintu bia tatuʼandi anyi bia mamuʼandi, wamba ne, Muanda eu kawena wa ditomboka, udi mulunda wa mubutudi.

Nsumuinu 3:16

Dileha dia matuku a muoyo didi mu tshianza tshiau tshia balume; mu tshianza tshiau tshia bakashi mudi bubanji ne butumbi.

Nsumuinu 30:11

Bantu badiku badi bela batatu babo mulau, kabayi bavudishila bamamu babo disanka.

Nsumuinu 30:17

Disu dia muntu udi useka tatu, ne udi uhetula ditumikila dia mamu,— nyunyu ya bikololo bia mu tshibanda nebiditue minu, nebiditule, ne bana ba nyunyu itu yadia bintu bibole nebadidie.

Yirmeya 35:18

Yelemiya wakambila ba mu nsubu wa Lekaba kabidi ne, Yehowa wa misumba, Nzambi wa Isalele, udi wamba ne, Bualu bua nuakutumikila mukenji wa Yonadaba, nkambua wenu, nuakulonda mei andi onso, nuakuenza malu onso akanuambileye;

Yirmeya 35:7

Kanuashi nsubu, kanukunyi maminu, kanukunyi mionshi ya tumuma tua nvinyo mu budimi, kanuikadi nʼabi; kadi nushikame mu ntenta matuku enu onso; bua nuenu nuikale ne muoyo matuku a bungi mu buloba bunudi bashikamemu.

Yezekiyele 22:7

Ba munkatshi muenu bakuhetula batatu ne bamamu; ba munkatshi muenu bakukengesha muntu wa bende; ba munkatshi muenu bakuenzela bana ba nshiya ne bakashi ba na lufuila bibi.

Lewitiki 19:3

Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Lewitiki 19:32

Uleshe kanemu kudi muntu udi ne nsuki yandi mitoke tô, unemeke muntu mununu, utshine Nzambi webe meme ndi Yehowa.

Malaki 1:6

Muana wa balume udi unemeka tatuʼandi, muhika udi unemeka nfumu wandi; kadi bingikala tatu, kunemekibua kuanyi kudi hanyi? Bingikala mukelenge, dintshina didi hanyi! Edi ndikonka dia Yehowa wa misumba kunudi, nuenu bakuidi, badi balengulula dina dianyi. Kadi nudi nunkonka ne, Tuakulengulula dina diebe munyi?

Matayi 19:19

unemeke tatuʼebe ne mamuʼebe, Sua mukuenu bu mûdi mudisue.

Marke 10:19

Wewe udi mumanye mikenshi ya Nzambi ne, Kushihi muntu, kuendi masandi, kuibi, kudingidi muntu, kunyengi tshintu tshia muntu, unemeke tatuʼebe ne mamuʼebe.

Marke 7:10

Mose wakamba ne, Unemeke tatuʼebe ne mamuʼebe; yeye wakamba kabidi ne, Udi uhetula tatuʼandi anyi mamuʼandi afue biandi bulelela.

Luke 18:20

Wewe udi mumanye mikenshi ya Nzambi ne, Kuendi masandi, kushihi muntu, kuibi, kudingidi muntu, unemeke tatuʼebe ne mamuʼebe.

Efeze 5:21

Nukokelangane mu ditshina dia Kilisto.

Dielulula 11:8

Nunku nutumikile mikenji yonso inakunuambila lelu, bua nuenu nuikale ne bukole, ne bua nuenu nubuelemu, ne bua nuenu nuhiane buloba bunudi nuya bua kubuhiana;

Dielulula 11:9

ne bua nuenu nuvudishangane matuku enu mu buloba buakalaya Yehowa batatu benu bua kubahabu ne tunkanunuma tuabo, buloba budi bûle tente ne mabele ne buitshi.

Dielulula 21:18

Bikala muntu ne muana mulume udi ne tshitshu ne buhidia, katu watumikila dî dia tatu wandi anyi dia mamu wandi, ne yeye katu wabahvuila biamukengeshaho,

Dielulula 25:15

Nuikale anu ne tshiamu tshimue tshidi tshiakane, ne tshihiminu tshimue tshidi tshiakane; nunku matuku enu neikale a bungi mu buloba budi Yehowa, Nzambi wenu, unuha.

Dielulula 27:16

Muntu yonso udi uhenda tatu wandi anyi mamu wandi udi ne mulau; bantu bonso nebakudimune dî ne, Amen.

Dielulula 32:47

Ebu kambualu bua hatuhu kunudi; kadi budi muoyo wenu, budi buvudisha matuku enu mu buloba bunuyaya kuhiana dishiya dia Yadene.

Dielulula 4:26

ndi mbikila diulu ne buloba bu bamanyi ba bualu kunudi lelu ne, Nenujimine ha buloba bunudi nuhiana dishiya dia Yadene tshituha tshihi; kanuena nuvudishangana matuku enu ha buloba, kadi nebanujimishe bulelela.

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Dielulula 5:33

Nuende bienu mu nshila wakanuambila Yehowa, Nzambi wenu, bua nuenu nuikale ne muoyo, ne bua nuenu nukume dikasa dimpe, ne bua nuenu nuvudishangane matuku enu mu buloba bunudi nuhiana.

Dielulula 6:2

bua nuenu nutshine Yehowa, Nzambi wenu, bua kutumikila mei andi onso ne mikenji yandi, binakanuambila, ne wewe ne muanʼebe mulume, ne muana wa muanʼebe mulume, matuku onso a muoyo wenu; bua wewe uvudishe matuku ebe.

Kolose 3:20

Nuenu bana, nutumikile baledi benu mu malu onso, bua bualu ebu budi buanyishibua mu Mukelenge.

Rute 3:6

Yeye wakaya ku tshishihuidi wakenza malu onso akamuambila mamuenʼandi.

1 Samuele 22:3

Davidi wakumukaku, wakaya ku Misepa wa mu Moaba; yeye wakambila mukelenge wa Moaba ne, Witabushe bua tatuʼanyi ne mamuʼanyi balue, bashikame nʼebe tô ne hanamanya tshidi Nzambi musue kungenzela.