Ekesode 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kakamanya Palô bualu ebu, wakakeba kushiha Mose. Kadi Mose wakanyema ku mesu kua Palo, wakikala mu buloba bua Midiyana, wakashikama hehi ne dina dia mai.

MUKANDA WA MYIDI MUKULU

¹⁵ Mukalenga wa bena Ejipitu umvua bualu abu, kukebaye mua kushipa Moshe. Kadi Moshe kunyema, kuya mu ditunga dia Madiyane. Kuikishaye pabuipi ne tshiina tshia mayi.

Ekesode 2:15 Marejeleo ya Msalaba

Genese 24:11

Yeye Wakabikila tumelo binu hanshi ku butshika bua musoko hehi ne mushimi wa mai dilolo ha diba diyaya bakashi bua kusunabo mai.

Genese 25:2

Yeye wakamulelela Zimelana ne Yokeshana ne Medana ne Midiyana ne Yishebaka ne Shua.

Genese 25:4

Bana ba Midiyana bakadi Eha ne Ehê ne Hanoka ne Abida ne Eleda Bana aba bonso bakadi bana ba Ketula.

Genese 29:2

Wakabandisha mesu andi, wakamona dina dia mai mu budimi ne bisumbu bia mikoko bisatu biakadi bilalaku, bualu bua bakadi banuishaku mikoko, ne dibue dinene diakadi ku mushiku wa dina dia mai.

1 Bakalenga 11:18

Bakahitshila mu buloba bua Midiyana, bakafika ku Palana; bakangata bantu ba mu Palana, bakafika nʼabo mu buloba bua Ejipitu ku mesu kua Palô, mukelenge wa Ejipitu; yeye wakamuha nsubu ne bintu bia kudia ne madimi.

Ekesode 18:4

Dina dia mukuabo ne, Eliezê, bualu bua Mose wakamba ne, Nzambi wa tatuʼanyi wakadi mukuatshishi wanyi, wakansungila ku muele wa nvita wa Palô.

Ekesode 4:19

Yehowa wakambila Mose mu Midiyana ne, Ya biebe, uhingane mu Ejipitu bualu bua bantu bonso bakasua kukushiha bakafua.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Abakuke 3:7

Nakatangila ntenta ya Kushana mu dikenga; bilulu bikudika bia mu ntenta ya mu buloba bua Midiyana biakazakala.

Matayi 10:23

Kadi hanukengeshabo mu musoko eu, nunyemene ku mukuabo; bulelela, ndi nuambila ne, Muana wa mutu nealue diambedi kanui banze kuenda mu misoko yonso ya Isalele.

Yowanane 4:6

Dina dia mai dia Yakoba diakadihu. Luendu luakatonda Yesu, yeye wakashikama nunku kukala kua dina. Diba diakadi munda munya.

Bienzedi 7:29

Hakunvua Mose dî edi, wakanyema, wakalua bu muenyi mu buloba bua Midiyana, kuakaleleleye bana balume babidi.

Ebrewu 11:27

Bua ditabusha wakumuka mu Ejipitu kai utshina tshishi tshia mukelenge; bua yeye wakatantamana bu muakadiye utangila yeye udi kai umueneka ku mesu.