Ekesode 14:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bena Isalele bakaya mu bunene bua mai ha buloba bûme, mai akadi bu tshinunu kudibo ku tshianza tshia balume ne ku tshianza tshia bakashi.

MUKANDA WA MYIDI MUKULU

²² Mayi awu, kupanduluka bu tshimana ku dia balume, tshikuabu ku dia bakaji. Bena Izrayele kusabuka ku makasa kume.

Ekesode 14:22 Marejeleo ya Msalaba

2 Bakalenga 2:14

Wakangata tshikowelu tshia Eliya tshiakahona kudiye, wakatula ha mai, wakamba ne Yehowa, Nzambi wa Eliya, udi kudi kunyi? Hakatuteye ha mai, mai akahanduluka eku ne eku; Elisha wakasabuka.

2 Bakalenga 2:8

Eliya wakakohola tshikowelu tshiandi, wakatshivunga wakatula ha mai, ne mai akahanduluka eku ne eku; bubidi buabo bakasabuka ha buloba bûme.

Nehemya 9:11

Wewe wakahandulula mai ku mpala kuabo, nunku bakahita munkatshi mua mai manene ha buloba bume; wakela bakadi babalonda mu bunene bua mai bu mudibo bela dibue mu mai manene.

Misambu 106:9

Wakabela Mai Manene Makunze kabidi ne akakama; nunku wakabalombola bua kubahitshisha mu mai a ndondo bu muakadibo mua kuhita ha buloba bûme.

Misambu 136:13

Numusakidile bua Yeye wakahandulula mai a mu Mai Manene Makunze hankatshinkatshi, bua luse luandi ludi lujalame tshiendelele.

Misambu 136:14

Wakahitshisha Bena Isalele hankatshi hau, bua luse luandi ludi lujalame tshiendelele.

Misambu 66:6

Wakandamuna mai manene bua kuluau buloba bûme; bantu bakahitshila mu musulu benda ku makasa. Tuakasankamu bua malu andi,

Misambu 74:15

Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Misambu 78:13

Wakahanda nshila mu mai manene, wakabahitshishamu; wakimanyika mai bu tshimanu.

Ekesode 14:29

Kadi Bena Isalele bakenda mu buloba bûme munkatshi mua mai, mai akadi bu tshimanu kudibo ku tshianza tshia balume ne ku tshianza tshia bakashi.

Ekesode 15:19

Bualu bua tubalu tua Palo ne makalu andi ne masalayi akadi enda ha nyima ha tubalu biakaya mu mai manene ne Yehowa wakahingasha mai ha mutu habo, kadi Bena Isalele bakenda ha buloba bûme munkatshi mua mai manene.

Ekesode 15:8

Muhuya webe wakabandisha mai, akimana bu tshimama, mai akimana dibula. Mai manene akakuatakana mu ndondo wa mai.

Yeshaya 11:15

Yehowa neakamishe diboko dia mai manene a mu Ejipitu tshishiki; neakuhe tshianza tshiandi ha mutu ha Musulu wa Pelata, ne luhehele luandi ludi lûmisha, nenutahulule mu tusulu muanda mutekete, neasabulehu bantu ne bisabata biabo kabiyi bibola.

Yeshaya 11:16

Nshila munene mufume ku buloba bua Ashû neikaleku bua difuka dia bantu bandi diendelemu, bu muakadiku tshikuabo bua Bena Isalele bendelemu mu dituku diakahatukabo mu buloba bua Ejipitu.

Yeshaya 43:16

Yehowa, udi uhanda nshila munene mu mai manene, ne nshila udi uhitshila mu mai matambe bukole,

Yeshaya 51:10

Kenguewe, anyi, wakakamisha mai manene, mai a mu ndondo wa mu mai manene; wakavuisha ndondo wa mu mai manene nshila bua bahikudibue kuhitshilamu?

Yeshaya 63:12

Wakendesha diboko diandi didi ne butumbi ku luseke lua tshianza tshia balume tshia Mose, wakahandulula mai manene ku mpala kuabo, bua kudiangatshila dina ma tshiendelele,

Yeshaya 63:13

wakabalombola mu ndondo wa mai manene udi kudi kunyi? Bu mudi kabalu kenda mu tshihela bobo kabakalenduka nansha.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Dibadika 33:8

Bakumuka mu Pihahilota, bakahita munkatshi mua dishiba dia mai bakaya mu tshihela bakaya luendu lua matuku asatu mu tshihela tshia Etama, bakashikama mu Mala.

1 Korente 10:1

Bua tshiena musue nuenu nuhange kumanya, bana betu, ne, Bankambua betu bonso bakadi munshi mua ditutu, buonso buabo bakahita munkatshi mua mai manene;

Ebrewu 11:29

Bua ditabusha bakahita mu Mai Manene Makunze bu mudi ha buloba bume; hakateta Bena Ejipitu kuenza nunku, bakaminyibua mu mai.

Yoshua 3:16

hashishe mai akadi ahueka ku mutu akimana, akimana dibula kule ku Adama, musoko udi ku luseke lua Saletana, ne mai a kumanda akadi ahueka ku dishiha dia Alabâ, ku Dishiba dia Luehu, akahanduluka; ne bantu bakasabuka buludiludi ne Yeleko.

Yoshua 3:17

Bakuidi bakadi batuala mushete wa tshihungidi tshia mei a Yehowa bakimana balulame mu lusenga lume munkatshi mua Yadene; ne Bena Isalele bonso bakasabuka mu lusenga lume tô ne hakasabuka bantu bonso Yadene.

Yoshua 4:22

nenumanyishe bana benu ne, Bena Isalele bakasabuka Yadene eu ha lusenga lume.

1 Samuele 25:16

Bobo bakadi bu lumbu kutudi butuku ne munya tô matuku onso atuakadi nʼabo balame mikoko.