Ekesode 13:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Hakamba Palo kuhidia kundekelu, Yehowa wakashiha banʼa bute bonso ba mu buloba bua Ejipitu ne ba bantu ne ba nyama kabidi, nunku ndi mushihele Yehowa banʼa bute ba balume ba nyama, kadi ndi muhikule banʼa bute ba balume banyi.

MUKANDA WA MYIDI MUKULU

¹⁵ Bu muvua mukalenga wa bena Ejipitu ubenga mua kutulekela, Maweja-Nangila uvua mushipe bamuanabute bonsu ba mu ditunga dia Ejipitu, ba bantu ne ba bimuna. Ke patudi tushipela Maweja-Nangila bamuanabute ba bimuna. Kadi tudi tupikula bamuanabute ba balume ba bantu.”

Ekesode 13:15 Marejeleo ya Msalaba

Misambu 105:36

Wakashihesha banʼa bute bonso ba mu buloba buabo, bana aba mene bakadianjilabo kulela mu buloba buabo.

Ekesode 12:29

Hakalua mundankulu Yehowa wakashiha banʼa bute bonso ba mu buloba bua Ejipitu, muanʼa bute wa Palô wakadi ushikama ha nkuasa wandi wa bukelenge tô ne ku muanʼa bute wa muntu wa mu nsubu wa lukanu, ne bana bonso ba bute ba bimuna.

Ekesode 3:19

Ndi mumanye ne, Mukelenge wa Ejipitu kena witabusha bua nuenu kuya, neitabushe anu ne tshianza tshikole.

Ekesode 34:20

Nenuhikule banʼa bute benu ba mpunda ku muanʼa mukoko; binuikala kanuyi nubahikula, nutshibule nshingu yabo. Nenuhikule banʼa bute benu ba balume bonso. Kanulu ku mesu kuanyi ne bianza bituhu.

Ekesode 4:23

ne meme nakamana kukuambila ne, Ulekela muanʼanyi wa balume, bualu bua kunkuatshila mudimu, kadi wewe wakahidia kulu ulekela, nunku meme nenshihe muana webe, muanʼa bute webe.

Dibadika 18:15

Bintu bionso bidibo balela, ne bia bantu ne bia nyama idibo bafila kudi Yehowa, nebikale biebe, kadi wewe neuhikule banʼa bute ba bantu ne banʼa bute bonso ba nyama idi kayiyi miakane.

Dibadika 3:46

Bua kuhikula banʼa bute ba Bena Isalele, nkama ibidi ne makumi muanda mutekete ne basatu, badi bahita balume ba Bena Lewi bungi,