Ekesode 12:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Hanukonka bana benu ne, Nudi nuenzela tshilele etshi tshinyi?

MUKANDA WA MYIDI MUKULU

²⁶ Pikala bana benu banukonka ne: nudi nuenza tshibilu etshi bua tshinyi?

Ekesode 12:26 Marejeleo ya Msalaba

Misambu 145:4

Ba mu mulongo umue wa bantu nebatumbishile ba mu mulongo wabo mukuabo midimu yebe, nebabamanyishe bienzedi biebe binene.

Misambu 44:1

Nzambi, tuakunvua ku matshu etu, batatu betu bakuambila, bua malu awakenza mu matuku abo, mu matuku akahita kale.

Ekesode 10:2

Wewe newambile muan ebe wa balume mu matshu, ne muana wa muanʼebe wa balume, malu anakuenza mu buloba bua Ejipitu, ne bimanyinu bianyi binakuenza munkatshi muabo, bua nuenu numanye ne, Meme ndi Yehowa.

Ekesode 12:25

Hanuafika mu buloba bulualua Yehowa kunuha, bu muakalayeye, nuenze tshilele etshi.

Ekesode 13:22

Ditutu dia mu munya diakadi ne dinkenke butuku kadiakumuka ku mpala kua bantu.

Yeshaya 38:19

Udi ne muoyo, muntu udi ne muoyo, neakutumbishe, bu mundi ngenza dituku edi; tatu neamanyishe bana bandi lulamatu luebe lua bushuwa.

Efeze 6:4

Ne nuenu batatu, kanufuishi bana benu balela tshishi; nubadiundishe bimpe ne dihela ne didimusha bia Mukelenge.

Dielulula 11:19

Numanyishe bana benu mei â, nubambileu hanuashikama mu nsubu yenu ne hanuenda mu nshila ne hanuaya ne hanuabika.

Dielulula 32:7

Nuvuluke matuku a diambedi, nuelangane meji a bidimu ne bikondo bia bungi: webeshe tatu webe, ne yeye neakuleshe; ne bakulu benu, bobo nebakuambile.

Dielulula 6:20

Hakukonkabo kudi muanʼebe mulume ne, Mei au ne mikenji ne malu biakanuambila Yehowa, Nzambi wenu, bidi tshinyi?

Dielulula 6:7

wewe newayishe bana bebe, wewe neusombelele nʼabo bua mei au, hawashikama mu nsubu webe, ne hawenda mu nshila, ne hawalala, ne hawabika.