Ekesode 12:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nuenu nenudie mampa adi kayi ne luevene dituku adi bualu bua nakahatula bisumbu bienu mu buloba bua Ejipitu, nunku nenujidile dituku edi bu tshivulukidi tshienu tshiendelele.

MUKANDA WA MYIDI MUKULU

¹⁷ “Misangu yonsu mwuluke tshibilu tshia kudia mampa kaayi mela buanga. Bualu tshidi tshinuvuluija dituku dimvua mupatule bantu benu mu Ejipitu. Mukenji ewu nuulame kashidi ku ndelanganyi ne ku ndelanganyi yenu yonsu.

Ekesode 12:17 Marejeleo ya Msalaba

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 12:24

Nuenu nuenze bualu ebu bu tshilele tshienu ne tshia bana benu tshiendelele.

Ekesode 12:41

Hakaleha bidimu nkama mai ne makumi asatu, mu dituku adi mene mene, bisumbu bionso bia bantu ba Yehowa bakaluhuka mu buloba bua Ejipitu.

Ekesode 12:6

Nenumulame tô ne ku dituku dia dikumi ne anai dia ngondo eu, bantu bonso ba mu Isalele nebamushihe dilolo.

Ekesode 13:10

Nunku nuenze bualu, ebu bu tshilele tshienu mu ngondo watshi ku tshidimu ku tshidimu.

Ekesode 13:3

Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Ekesode 13:8

Mu dituku adi nenuambile muanʼebe wa balume ne, Ebu mbualu buwakungenzela Yehowa hanakaluhuka mu buloba bua Ejipitu.

Ekesode 34:18

Nuenu nenudie bidia bidi kabiyi ne luevene ku mesu kua Yehowa. Nenudie bidia bidi kabiyi ne luevene matuku muanda mutekete, bu munakanuambila mu ngondo wa Abiba unakasungula; bualu bua nuakahatuka mu Ejipitu mu ngondo wa Abiba.

Ekesode 6:26

Bantu aba Mose ne Alona mbantu bakambila Yehowa ne, Hatulai Bena Isalele mu buloba bua Ejipitu ku misumba yabo.

Ekesode 7:5

Bena Ejipitu nebamanye ne meme ndi Yehowa, hangolola tshianza tshianyi ha Ejipitu ne hanahatula Bena Isalele munkatshi muabo.

Dibadika 20:16

ne hatuakadila kudi Yehowa, yeye wakumpa dî dietu, wakatuma muanjelo wakatuhatula mu Ejipitu, ne tangila, tudi mu Kadesha, musoko udi ku butshika bua buloba buenu mene.

Dielulula 16:3

Kanudi mampa adi ne luevene ne mulambu eu; nenudie nʼau mampa adi kâyi ne luevene matuku muanda mutekete, mbia kudia bia tshivulukidi tshia dikenga; bualu bua nuakahatuka mu buloba bua Ejipitu lubilu; nunku numuke dituku dinuakahatuka mu buloba bua Ejipitu matuku onso a muoyo wenu.