Efeze 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Ne nuenu batatu, kanufuishi bana benu balela tshishi; nubadiundishe bimpe ne dihela ne didimusha bia Mukelenge.

MUKANDA WA MYIDI MUKULU

⁴ Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

Efeze 6:4 Marejeleo ya Msalaba

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

1 Kulondolola 28:20

Davidi wakambila Solomo muanʼandi ne, Wikale ne bukole ne mutshima wa dikima, wenze bualu ebu; kutshinyi, kuhangi bualu ebu; bualu bua Yehowa Nzambi, Nzambi wanyi mene, udi nʼebe; yeye kena ukuhanga, kena ukulekela tô ne hawashikisha mudimu eu wonso wa mu nsubu wa Yehowa.

1 Kulondolola 29:19

uvuishe Solomo muanʼanyi mutshima mutoke, bua kutumikileye mikenji yebe ne mei ebe ne mikandu yebe, bua kuenzeye malu â onso, ne bua kuibakeye mbalasa eu unakabanga kulongolola bintu.

Nsumuinu 19:18

Kengesha muanʼebe bua kumuyisha, bualu bua ditekemena ditshidiku; kumuleshi luse bua kalulu dibutuka diandi.

Nsumuinu 22:15

Buhote budi busuikibue mu mutshima wa muana; kadi lukodi nelubûmushe kudiye.

Nsumuinu 22:6

Yisha muana mu nshila udiye ne bua kuendela; nunku hakoleye, kena umukamu.

Nsumuinu 29:15

Lukodi ne kubela bidi biyisha meji, kadi muana udibo balekela nkayandi udi ufuishisha mamuʼandi bundu.

Nsumuinu 29:17

Kengesha muanʼebe bua kumuyisha, ne neakuhe dikisha; e, neasankishe mutshima webe.

Yeshaya 38:19

Udi ne muoyo, muntu udi ne muoyo, neakutumbishe, bu mundi ngenza dituku edi; tatu neamanyishe bana bandi lulamatu luebe lua bushuwa.

Efeze 6:3

bua wewe wikale ne dikasa dimpe ne wikale ne muoyo musangu mule ha buloba.

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 6:7

wewe newayishe bana bebe, wewe neusombelele nʼabo bua mei au, hawashikama mu nsubu webe, ne hawenda mu nshila, ne hawalala, ne hawabika.

Kolose 3:21

Nuenu batatu, kanufikishi munda mua bana benu, bua mitshima yabo kaibungami.

2 Timote 1:5

Ndi nvuluka ditabusha didi munda muebe didi kadi ne lubombo, diakadianjila kuikala munda mua kaku webe Loi ne mua mamu webe Eunike; ndi ngitabushishibua ne didi munda muebe kabidi.

2 Timote 3:15

ku buana buebe wewe wakamanya Mukanda wa Nzambi, udi mumanye mua kukuvuisha muena meshi tô ne ku luhandu luakulua bua ditabusha dia mu Kilisto Yesu.

Yoshua 24:15

Binuamona ne kukuatshila Yehowa mudimu kudi kubi, lelu nusungule unudi basue kukuatshila mudimu, ne nzambi yakadi bankambua benu bakuatshile mudimu dishiya dia musulu wa Pelata anyi nzambi ya Bena Amole, bena buloba bunudi bashikame; kadi meme ne ba mu nsubu muanyi netukuatshile Yehowa mudimu.

Balombodi 13:12

Manoa wakamba ne, Bualu buenjibue bu mu dî diebe; nendiundishe muana munyi, netumuenzele tshinyi?