Efeze 5:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Balume, suai bakashi benu bu muakasua Kilisto ekelesia kabidi, wakadifila bua bualu buandi;

MUKANDA WA MYIDI MUKULU

²⁵ Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Efeze 5:25 Marejeleo ya Msalaba

Genese 2:24

Bua bualu ebu mulume neashiye tatuʼandi ne mamu andi, nealamate mukashi wandi, bubidi buabo nebikale mubidi umue.

Genese 24:67

Isaka wakalua nʼandi mu ntenta wa mamu wandi, Sala, yeye wakangata Lebeka, wakalua mukashi wandi Isaka wakamunanga, ne mutshima wandi wakasambibua bua lufu lua mamu wandi.

2 Samuele 12:3

kadi muntu muhele kakadi ne tshintu, anu kana ka mukoko kamue, kakasumbeye, kakadisheye; bakadiunda kudiye ne bana bandi; kakadia bidia biandi, kakanua mai a mu luhanza luandi mene, kakalala mu tshiadi tshiandi, kakadi bu muana mukashi mulela kudiye.

Musambu wa Solomo 1:11

Netukulongoluele bilenga bia or bilamika argent.

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

Yowanane 6:51

Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Ngalate 1:4

wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Efeze 5:24

Kadi bu mudi ekelesia ukokela Kilisto, nunku bakashi bakokele babayabo mu malu onso.

Efeze 5:28

Nunku budi balume nʼabu mbua kusua bakashi babo mene bu mudibo basue mibidi yabo. Muntu udi unanga mukashi wandi udi udinanga;

Efeze 5:33

Kadi nuenu kabidi, mulume ne mulume, anange mukashi wandi bu mudiye udi nanga; ne mukashi anemeke bayandi.

Kolose 3:19

Nuenu balume, suai bakashi benu, ne lekelai kuikala ne mitshima ya luonji kudibo.

1 Timote 2:6

wakadifila bu tshintu tshia kuhikula nʼatshi bantu bonso; bumanyishi bua muanda eu budi ne bua kumanyishibua mu bikondo biabu mene.

1 Petro 3:7

Nuenu balume muomumue, nuikale ne bakashi benu bu mudi lungenyi luimpe, bu mudibo banutambe mubidi butekete, bu mudibo bahianyi nʼenu ba ngasa wa muoyo; bua kutendelela kuenu kakuhumbishibu.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.