Efeze 5:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nusombeshangane ne misambu ya bena kuitabusha ba bale ne ya bena Kilisto ne ya Nyuma; nuimbile Mukelenge misambu, numutumbishe ne biombelu bia mitshima yenu.

MUKANDA WA MYIDI MUKULU

¹⁹ Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

Efeze 5:19 Marejeleo ya Msalaba

Misambu 147:7

Imbilai Yehowa misambu ne disakidila dienu; nuimbile Nzambi wetu misambu ne lunkombe.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Misambu 86:12

Mukelenge Nzambi wanyi, nenkuele tuasakidila ne mutshima wanyi wonso, nentumbishe dina diebe tshiendelele.

Misambu 95:2

Tuye ku mpala kuandi ne disakidila, tumusankidile ne dî dikole ne misambu ya disanka.

Yeshaya 65:14

tangilai, bantu banyi nebimbe misambu bua disanka dia mu mitshima yabo, kadi nuenu nenudie bua kanyinganyinga ka mu mitshima yenu, nenuase muadi bua mitshima yenu yakuhandika.

Matayi 15:8

Bantu aba badi bannemeka ne mishiku yabo, Kadi mitshima yabo kayena kundi, idi kule.

Matayi 26:30

Hakimbabo musambu, bakaluhuka, bakaya ku mukuna wa Oleve.

Bienzedi 16:25

Kadi bakalua bu mundankulu, Paulo ne Sila bakadi batendelela, bakadi bambila Nzambi misambu, bena lukanu bakadi batelesha;

1 Korente 14:15

Nunku ntshinyi? Nentendelele ne nyuma, nentendelele ne meshi kabidi; nengimbe ne nyuma, nengimbe ne meshi kabidi.

1 Korente 14:26

Nunku ntshinyi, bana betu? Hanuadisangisha, muntu ne muntu udi ne musambu, udi ne diyisha, udi ne bualu buakabuluibua kudiye, udi ne muaku udibo kabai bamanye, udi ne kujingulula kua muaku. Malu onso enjibue bua kunudiundisha.

Kolose 3:16

Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

Yakobe 5:13

Muntu udi ne dikenga munkatshi muenu, anyi? Alombe biandi Nzambi. Muntu udi ne disanka, anyi? Imbe biandi misambu.

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.