Efeze 5:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

MUKANDA WA MYIDI MUKULU

¹⁸ Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Efeze 5:18 Marejeleo ya Msalaba

Genese 9:21

Noa wakanua nvinyo, wakakuatshika nvinyo, wakalala mu ntenta wandi butaka.

Misambu 69:12

Badi bashikama mu tshibuelelu tshia ku musoko badi bayikilangana bualu buanyi; bakuatshiki ba maluvu badi bimba misambu bualu buanyi.

Nsumuinu 20:1

Nyinyo udi museki wa bantu, maluvu makole adi bu muena diyoyo; muntu yonso udi ubikuatshika kena ne meji.

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Musambu wa Solomo 7:9

Mukana muebe muikale bu nvinyo ya mushinga mukole; idi ne nse mu hilakalaka kudi munanga wanyi, idi inyungisha mishiku ya badi balala tulu.

Yeshaya 25:6

Mu mukuna eu Yehowa wa misumba nealongoluele bantu bonso bidia bia disanka bia manyi, bidia bia disanka bia nvinyo muladike ndala, bia kudia bia manyi bisangisha ne buongo bua mu mifuba, bia nvinyo muladike ndala mulengeshibue bimpe.

Yeshaya 5:22

Mulau wikale kudi badi ne bukitu mu kunua kua maluvu ne badi ne dikima dia kusangakasha maluvu makole;

Yeshaya 55:1

Telejai! Nuenu bonso badi ne nyota, nulue bienu ku mai; nansha kanuyi ne argent, nulue bienu, nusumbe bienu, nudie bienu! Eyo, nulue bienu, nusumbe nvinyo ne mabele kanuyi ne argent, kanuyi ne mushinga.

Lewitiki 10:9

Wewe ne bana bebe balume, kanunu nvinyo ne bintu bikole bia kunua hanuahuola mu ntenta wa kusambakena bua kanufu bienu. Mukenji eu newikale kunudi bikondo bienu bionso tshiendelele.

Matayi 23:25

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu nûvua ha nyima ha luhanza ne dilonga, kadi munda muabi mudi bunyengi ne mudi.

Matayi 24:49

biabangeye kukuma bahika nʼandi, biadieye bidia, bianueye mitutu hohamue ne badi bakuatshike maluvu,

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Luke 11:13

Nunku nuenu bantu babi, binuamanya mua kuha bana benu bintu bimpe, Tatu wenu wa mu diulu kena uha batu bamulomba Nyuma Muimpe, anyi?

Luke 12:45

Kadi biamba muhika au munda munda ne, Nfumu wanyi kena ulua katataka, biabangeye kukuma bahika bakuabo, balume ne bakashi, biadieye, bianueye, biabangeye kukuatshika maiuvu,

Luke 21:34

Nudilame bimpe, bua mitshima yenu kainemi ne mudiu ne dibuluka dia maluvu ne malu a ha buloba, ne bua dituku adi kadilu kunudi lukasa bu buteyi?

Yowanane 2:10

wakamuambila ne, Bantu bonso batu bafila nvinyo muimpe diambedi; hanuabo wa bungi, nebafile udi kai muimpe ku nyima; kadi wewe wakuteka nvinyo muimpe tô ne katataka.

Bienzedi 11:24

Bualu bua yeye wakadi muntu muimpe, wakadi mûle tente ne Nyuma Muimpe ne ditabusha; ba bungi bakasangishibua kudi Mukelenge.

Rome 13:13

Tuendakana! bietu bilengele, bu mutudi tuenda mu munya; katuendi mu manaya a tshianana ne mu bukuatshiki bua malulu, mu malu a bundu ne a bienzenza bia masandi, mu kutandangana ne mukau.

1 Korente 11:21

bualu bua hanuadia, muntu ne muntu udi udianjila kudia bidia biandi ku mpala kua bakuabo; ne mukuabo udi ne nsala, ne mukuabo udi mukuatshike maluvu.

1 Korente 5:11

Kadi mpindiu ndi nufundila ne, Kanubuelakanyi ne muntu udi ne dina dia muanʼenu wa ma Kilisto bikaleye muena masandi, anyi muena lukuka lua bintu, anyi muena mpingu, anyi muhendanganyi, anyi mukuatshiki wa maluvu, anyi munyengi wa bintu; kanudî mene ne muntu wa nunku.

1 Korente 6:10

anyi bibi, anyi bena lukuka lua bintu, anyi bakuatshiki ba maluvu, anyi bahendanganyi, anyi banyengi ba bintu, kabena bahiana bukelenge bua Nzambi.

Dielulula 21:20

nebambile bakulu ba mu musoko wabo ne, Muana wetu eu udi ne tshitshu ne buhidia, kena utumikila mei etu; udi muena lumpukusu ne mukuatshiki wa maluvu.

1 Tesalonike 5:7

Bua badi balala tulu badi balala tulu butuku; ne badi bakuatshika maluvu badi bakuatshika butuku.

Tite 1:6

bikalaku muntu udi kai mua kubandibua, udi ne mukashi umue, udi ne bana bandi badi bena ditabusha, badi kabai babandibua bua dinyanguka dia muoyo anyi bua huhidia.