Efeze 5:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi;

MUKANDA WA MYIDI MUKULU

¹⁵ Kanuenji malu bu bantu batatakane. Nuikale bantu ba meji.

Efeze 5:15 Marejeleo ya Msalaba

2 Samuele 24:10

Hakabala Davidi bantu, mutshima wandi wakamuhisha. Davidi wakambila Yehowa ne, Nakenza bubi mu bualu ebu bunakenza; kadi Yehowa, ndi nkusengelela ne, Ubuikile bubi bua muntu webe, bualu bua nakenza bualu buhote.

Yobe 2:10

Kadi Yobo wakamuambila ne, Wewe udi wakula bu mukashi muhote. Kia! Tudi mua kuitabusha anu masanka ku tshianza tshia Nzambi, ne katuitabushi makenga, anyi? Mu malu au onso Yobo kakamba bualu bubi ku mishiku yandi nansha.

Misambu 73:22

nakadi mujibale, tshiyi ne lungenyi, nakadi bu nyama ku mesu kuebe.

Ekesode 23:13

Nudimuke mu malu onso anakanuambila, kanuambilanganyi dina dia nzambi mikuabo, bantu bakuabo kabunvu dina adi mukana muebe.

Nsumuinu 14:8

Meji a muena budimu adi a kujingulula nshila wandi, kadi buhote bua bahote budi bubahambuisha.

Nsumuinu 15:21

Buhote budi disanka kudi muntu udi kayi ne meji, kadi mujingulule wa mianda udi utangisha mpala wandi mu nshila mululame.

Matayi 10:16

Monai, ndi nutuma bu mikoko idi munkatshi mua nkashama; nuikale ne budimu bu bua nyoka ne bu nyunyu ya nkutshi idi kayi iluishangana.

Matayi 25:2

Mishikankunde itanu yakadi mihote, minga itanu yakadi ne meshi.

Matayi 27:24

Hakatangila Pilato ne, Nakushikila, diyoyo dikadi ha kujuka, yeye wakangata mai, wakuha bianza ku mesu kua bantu bonso, wakamba ne, Tshiena ne mashi a muntu muakane eu bualu, mbualu buenu.

Matayi 27:4

wakamba ne, Nakuenza bibi bualu bua nakutungila muntu tshitungu udi kai ne bualu. Kadi bobo bakamuambila ne, Ebu mbualu buetu, anyi? Mbualu buebe.

Matayi 8:4

Yesu wakamuambila ne, Kuambidi muntu bualu ebu, uye biebe, udileshe kudi muakuidi wa Nzambi, ufile tshiakamba Mose bu tshimanyishilu ku mesu kua bantu.

Luke 24:25

Yesu wakabambila ne, Nuenu bantu kabai ne lungenyi, nudi nunenga ha kuitabusha mei onso akamba baprofete!

1 Korente 14:20

Bana betu, lekelai kuikala bana mu meshi enu, kadi nuikale tuana tukese mu malu mabi, nuikale bantu bakole mu meshi enu.

Ngalate 3:1

Nuenu Bena Galatia bahote, ku mesu kuenu kuakatekabo Yesu Kilisto mushihibue ku mutshi mutshiamakane hatoke, wakanuhambuisha nganyi?

Ngalate 3:3

Ebu mbuhote buenu, anyi? Nuakuhanga ne Nyuma, mpindiu nudi nushikisha ne malu a mubidi, anyi?

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Efeze 5:33

Kadi nuenu kabidi, mulume ne mulume, anange mukashi wandi bu mudiye udi nanga; ne mukashi anemeke bayandi.

Filipe 1:27

Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

Kolose 1:9

Bua muanda eu, tuetu kabidi, katshia ku dituku dituakunvua lumu etu, katuena tulekela kutendelela Nzambi bua bualu buenu, ne kumulomba bua nuenu nûshibue tente ne kumanya kua disua diandi mu meshi onso ne dijingulula bia mu Nyuma;

Kolose 4:5

Nuende mu meshi ku mesu kua bantu badi kabai munkatshi mua bena ditabusha; nudisumbile tshikondo hatshiditshiku tshia kuenza bimpe.

1 Tesalonike 5:15

Numone ne muntu kahingishidi mukuabo bubi ku bubi buandi; kadi misangu yonso nulondelangane malu adi mimpe muntu ne muntu, ne kudi bonso.

1 Timote 6:9

Kadi bobo badi basue kuikala babanshi badi bahona mu kutetshibua kua munda ne mu buteyi ne mu nkuka ya bungi Idi mihote ne idi ibanyanga, bu yoyo mene idi inyisha bantu mu dibashihesha ne mu dibutuka.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Yakobe 3:13

Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.