Efeze 1:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ udi mubidi wandi, tshiuwidi tshia udi ûsha bintu bionso tente.

MUKANDA WA MYIDI MUKULU

²³ Tshisumbu tshia bena ditaba, ke mubidi wa Kristu. Kristu, udi munda mua bionsu, udi ukuata kabidi mudimu munda mua Tshisumbu atshi ne bukole buende buonsu.

Efeze 1:23 Marejeleo ya Msalaba

Yowanane 1:16

Buonso buetu tuakuangata tshiuwidi tshiandi, ne ngasa ha mutu ha ngasa.

Rome 13:5

Nunku bunudi nʼabu mbua kuditeka ku nyima kuabo, kenganu bualu bua tshishi atshi, kadi bua muoyo-mukese wenu kabidi.

1 Korente 12:6

Mishindu ya bienzelu idiku, kadi Nzambi udi muomumue, udi wenzesha malu onso mu bantu bonso.

1 Korente 15:28

Ne hatekabo bintu bionso munshi muandi, hashishe, Muana muine kabidi neatekibue munshi mua Tatu wakateka bintu bionso munshi muandi, bua Nzambi kuikala ku mutu kua bionso ne mu bintu bionso.

Efeze 2:16

bua yeye abalengeshishe bubidi buabo ne Nzambi mu mubidi umue bua mutshi wandi mutshiamakane, kuakashiheye nʼau njia.

Efeze 3:10

bua ekelesia amanyishe bakelenge ne bakokeshi badi mu miaba ya mu diulu meshi mavula a Nzambi;

Efeze 3:19

ne bua kumanya mudi dinanga dia Kilisto didi ditamba lungenyi lua bantu kudimanya, bua nuenu nûla tente ne tshiuwidi tshionso tshia Nzambi.

Efeze 4:10

Yeye wakahueka udi muomumue ne yeye wakabanda kule ha mutu ha mûlu onso bua kûsheye bintu bionso tente).

Efeze 4:12

bua kulengeshabo basanto tshishiki bua bobo benze mudimu wa kukuatshisha bakuabo, bua kudiundishabo ekelesia udi mubidi wa Kilisto;

Efeze 4:13

tô ne hatuaheta buonso buetu buobumue bua ditabusha ne bua kumanya kua Muana wa Nzambi, tô ne hatuafika ku mulongo wa muntu mukole, tô ne ku luidi lua dikola didi mu tshiuwidi tshia Kilisto.

Efeze 4:4

Mubidi udi umue ne Nyuma udi umue, bu munuakabikidibua kabidi mu ditekemena dimue dia dibikidibua dienu.

Kolose 1:24

Mpindiu ndi nsanka mu makenga andi nʼau bua bualu buenu, ne ku luanyi luseke ndi nkumbasha mu muhidi wanyi makenga a Kilisto atshidi mashale bua mubidi wandi, ekelesia mene.

Kolose 2:19

udi kai ulamata Mutu, kudi mubidi wonso, mukoleshibue ne musuikakasha ku manungu ne mijilu, udiundaku ne kudiunda kua kudi Nzambi.

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

Kolose 3:15

Ne ditalala dia Kilisto dinukokeshe mu mitshima yenu; dinuakabikidibuamu kabidi mu mubidi umue; ne nuikale nusakidile Nzambi.