Ebrewu 4:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.

MUKANDA WA MYIDI MUKULU

¹³ Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Ebrewu 4:13 Marejeleo ya Msalaba

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

2 Kulondolola 16:9

Bualu bua mesu a Yehowa adi akenzekana ku nseke yonso ya buloba bua kulesha bakole buandi kudi bantu badi ne mitshima miakane kudiye. Wewe wakuenza buhote mu bualu ebu, kubangila mu dituku edi wewe newikale ne nvita.

2 Kulondolola 6:30

unvue biebe mu muaba webe mu diulu; ubabuikidile mibi yabo, ufute muntu yonso bu muakadi bienzedi biandi, nguewe udi mumanye mutshima wandi (bualu bua wewe nkayebe udi mumanye mitshima ya bantu);

Yobe 26:6

Muaba wa Bafue udi hatoke tô ku mpala kua Nzambi, ne Abadona kena ne tshibuikilu.

Yobe 34:21

Bualu bua yeye udi uteka mesu andi ku nshila idi muntu wendela, udi umona biendedi biandi bionso.

Yobe 38:17

Bakusokoluela bibi bia ku lufu, anyi? Wewe wakumona bibi bia ku mundidimbi wa lufu, anyi?

Misambu 139:4

Bua dî kadiyi dianze kuikala ku ludimi luanyi, ne mona, wewe Yehowa udi mudi manye tshishiki.

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Misambu 90:8

Wewe wakuteka malu mabi etu ku mpala kuebe, Wakuteka mihi ituakuenza mu busokoko mu munya wa ha mpala hebe.

Nsumuinu 15:11

Muaba wa Bafue ne wa Kubutuka bidi buashi ku mesu kua Yehowa, mitshima ya bantu idi mitambe kubululuka kudiye!

Nsumuinu 15:3

Mesu a Yehowa adi kuonso, adi alama bantu babi ne bantu bimpe.

Nsumuinu 5:21

Bualu bua nshila ya muntu idi ku mesu kua Yehowa, yeye udi widikisha nshila yandi yonso bimpe.

Muambi 12:14

Bualu bua Nzambi nealumbulule mudimu wonso ne bualu buonso busokoka, nansha buimpe nansha bubi.

Yirmeya 16:17

Bualu bua mesu anyi adi amona nshila yabo yonso, kayena misokoma kundi, ne mibi yabo kayena misokoma ku mesu kuanyi.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yirmeya 29:23

Yehowa udi wamba ne, Bualu bua bantu aba bakuenza malu a hatuhu mu Isalele, bakuenda masandi ne bakashi ba bena mutumba nʼabo; bakuamba mei a mashimi mu dina dianyi andi tshiyi mubambile bua kuambabo; meme nyeye udi mumanye bualu ebu ne udi mumanyi wabu.

Danyele 2:22

Udi usokolola malu adi makole ne adi masokoka; udi mumanye malu adi mu mîdima, munya utu wikala nʼandi kaba kamue.

Matayi 6:4

nunku uhe bantu bintu biebe bia luse mu musokoko, ne Tatu webe udi umona mu musokoko neakuhe.

Yowanane 2:24

Kadi Yesu kakaditeka mu bianza biabo, bualu bua yeye wakamanya bantu bonso,

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Yowanane 4:16

Yesu wakamuambila ne, Ya ubikile mulume webe, ulue biebe kunoko.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Rome 2:16

Nunku nebalumbuluishibue ku dituku didi Nzambi ulumbulula malu masokome a bantu kudi Yesu Kilisto, bu mudi lumu luimpe luanyi luamba.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.