Ebrewu 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nudi nudikankamika bua dikenga, Nzambi udi unuenzela bu bana bandi balela; bua muana kai udiku udi tatu wandi kai ukengesha?

MUKANDA WA MYIDI MUKULU

⁷ Numvue makenga enu ne lutulu bualu ke adi anulongesha malu. Bualu makenga aa adi ajadika ne: Mvidi Mukulu udi unuenzela bu bana bende. Kudi muana udi tatuende kayi unyoka anyi?

Ebrewu 12:7 Marejeleo ya Msalaba

2 Samuele 7:14

Nengikale tatu wandi, yeye neikale muanʼanyi; henzeye bualu bubi, nemmukengeshe ne nsokotshi wa bantu ne mibunda-bunda ya bana ba bantu;

1 Bakalenga 1:6

Tatu wandi kakanza kumufikisha munda tô matuku andi onso bua kumukonka ne, Wewe wakuenza nunku bua tshinyi? Yeye wakadi muntu mulengele, wakaledibua ku nyima kua Abashaloma.

Nsumuinu 13:24

Udi kayi ukanda ne lukodi udi ne muanʼandi lukuna, kadi udi unanga muanʼandi udi unanukila kumukanda.

Nsumuinu 19:18

Kengesha muanʼebe bua kumuyisha, bualu bua ditekemena ditshidiku; kumuleshi luse bua kalulu dibutuka diandi.

Nsumuinu 22:15

Buhote budi busuikibue mu mutshima wa muana; kadi lukodi nelubûmushe kudiye.

Nsumuinu 29:15

Lukodi ne kubela bidi biyisha meji, kadi muana udibo balekela nkayandi udi ufuishisha mamuʼandi bundu.

Nsumuinu 29:17

Kengesha muanʼebe bua kumuyisha, ne neakuhe dikisha; e, neasankishe mutshima webe.

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.

1 Korente 11:32

Kadi hatulumbuluishabo, tudi tukengeshibua kudi Mukelenge bu bana bandi, bua tuetu katuhishibu hohamue ne ba ha buloba.

Dielulula 8:5

Nuenu nuelangane meji mu mitshima yenu ne, Bu mudi tatu ukengesha muanʼandi mulume, nunku Yehowa, Nzambi wenu, wakanukengesha.

1 Samuele 2:29

Nudi nudiata milambu yanyi ya kuosha ne bintu bidibo bafila kundi binakanuelela mikenji yanyi bua bualu buabi, ne udi utumbishe bana bebe ba balume ku mutu kuanyi bua kudidiundishabo ne bintu bidi bitamba bulengele bia milambu yonso ya bantu banyi Bena Isalele bualu kai?

1 Samuele 2:34

Bualu ebu budi bulua kudi bana bebe babidi, Hofeni ne Pinehasa, nebuikale bu tshimanyinu kudi; bubidi buabo nebafue dituku dimue.

1 Samuele 3:13

Bualu bua nakamana kumuambila ne, Nendumbuluishe ba mu nsubu webe tshiendelele, bua malu mabi abo akadiye mumanye: bualu bua bana bandi balume bakadiela mulau, ne yeye kakabakanyina.