Ebrewu 11:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bakuabo bakangata diteta dia tuseku ne mikumu, ne dia nkanu ne nsubu ya nkanu ha mutu.

MUKANDA WA MYIDI MUKULU

³⁶ Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

Ebrewu 11:36 Marejeleo ya Msalaba

Genese 39:20

Mukelenge wa Yosefe wakamukuata, wakamubuesha mu nsubu wa lukanu muakadi bena buloko ba mukelenge basuikila, yeye wakadi mu nsubu wa lukanu nunku.

1 Bakalenga 22:24

Hashishe Sedekiya, muana wa Kenana, wakasemena ha buihi, wakataha Mikaya dilu ku ditama diandi, wakamuebesha ne, Nyuma wa Yehowa wakaya mu nshila kai hakafumeye kundi bua kukuambila dî?

1 Bakalenga 22:27

nubambile ne, Mukelenge udi wamba ne, Nubueshe muntu eu mu nsubu wa lukanu, numudishe bia kudia bia badi mu dikenga, numunuishe mai a badi mu dikenga tô ne hanahingana talalâ.

2 Bakalenga 2:23

Yeye wakumukaku, wakaya ku Betele: hakadiye uya mu nshila, bana ba balume bakaluhuka mu musoko, bakamuseka, bakamuambila ne, Banda biebe, muena lubala! Banda biebe, muena lubala!

2 Kulondolola 16:10

Ha diba adi Asa wakadi ne mumonyi wa malu tshiji, wakamubuesha mu nsubu wa lukanu; bualu bua tshiji tshikole tshiakamukuata bua bualu ebu. Asa wakakengesha bantu bakuabo mu tshikondo atshi tshiotshimue.

2 Kulondolola 18:26

nuambile gouverneur ne, Mukelenge udi wamba ne, Buesha muntu eu mu nsubu wa lukanu, umudishe bidia bia dikenga ne mai a dikenga tô ne hanahingana ne ditalala.

2 Kulondolola 30:10

Nunku miloho yakaya ku musoko ne musoko ya mu Efelayima ne Manashe tô ne ku Zebuluna; kadi bobo bakabaseka, bakabalonda.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Yirmeya 20:2

Hashishe Pashû wakakuma muprofete Yelemiya, wakamubuesha mu bikunyi biakadi hehi ne tshibi tshia Benyamina tshia ha mutu, tshiakadi mu nsubu wa Yehowa.

Yirmeya 20:7

Yehowa, wewe wakungenzesha, ne nakuitabushishibua; wewe udi umpita bukole, wakuntamba. Nakulua bu tshintu tshidibo baseka dituku dijima, muntu yonso udi unseka.

Yirmeya 29:26

Yehowa wakukusungula bu muakuidi mu muaba wa Yehoyada muakuidi, bua balombodi bikale mu nsubu wa Yehowa ne ha mutu ha muntu yonso munale udi udivuisha muprofete ne bua kumubuesha mu nkanu ne mu tshikunyi.

Yirmeya 32:8

Nunku Hanamele, muana wa mansebʼanyi, wakalua kundi mu tshiendelu tshia balami ba nsubu wa lukanu bu muakadi di dia Yehowa, wakangambila ne, Ndi nkusengelela ne, Usumbe budimi buanyi budi mu Anatota, mu buloba bua Benyamina; bua bukokeshi bua buhianyi budi kûdi ne bua kubuhikula budi kûdi; udisumbilebu. Nunku nakamanya di adi ne ndi dia Yehowa.

Yirmeya 36:6

Nunku ya biebe, ubale mei onso a Yehowa awakafunda, akahatuka mukana muanyi mu matshu a bantu bonso badi mu nsubu wa Yehowa mu dituku didibo bajila bia kudia; wabale kabidi mu matshu a ba mu Yuda bonso badi bafuma mu misoko yabo.

Yirmeya 38:28

Nunku Yelemiya wakashala mu tshiendelu tshia balami ba nsubu wa lukanu tô ne ku dituku diakanyengabo Yelushalema.

Yirmeya 39:15

Dî dia Yehowa diakalua kudi Yelemiya hakadiye musuika mu tshiendelu tshia balami ba nsubu wa lukanu ne,

Danyele 11:33

Ba munkatshi mua bantu badi ne meji nebayishe ba bungi lungenyi, kadi hahita matuku a bungi nebashihibue ne muele wa nvita ne kahia, nebaye mu buhika, nebabanyenge bintu.

Matayi 20:19

nebamufile mu bianza bia bantu ba mu bisamba bia bende, bamuseke, bamukume, bamushihe ku mutshi mutshiamakane; kadi hahita matuku asatu yeye neabishibue.

Matayi 21:35

Kadi ba bidime bakakuata bantu bandi, bakakuma mukuabo, bakashiha mukuabo, munga bakakuma ne mabue.

Matayi 23:34

Meme ndi nutumina baprofete ne bena meshi ne bafundi: nuenu nenushihe bakuabo tshianana, bakuabo ha mitshi mitshiamakane; nenukume bakuabo mu nsunagoga yenu, nenubalonde bua kubakengesha ku musoko ne ku musoko;

Matayi 27:26

Hashishe, yeye wakabalekela Balaba; kadi yeye wakakuma Yesu, wakamufila bua kumushihabo ku mutshi mutshiamakane.

Marke 10:34

bamuseke, bamutuile mate, bamukume, bamushihe: kadi hahita matuku asatu, yeye neabike kabidi.

Luke 18:32

Nebamufile mu bianza bia bantu ba bisamba bia bende, nebamuseke, nebamuhende, nebamutuile mate;

Luke 23:11

Helode ne masalayi andi bakamutshimbisha, bakamuseka, bakamuluatshisha tshilulu tshitoke tô, bakamuhingisha kudi Pilato.

Luke 23:36

Masalayi kabidi akamuseka, akalua kudiye, akamuha nvinega,

Bienzedi 21:33

Hashishe kamanda wakasemena hehi, wakamukuata, wakamba bua kumusuikabo ne nkanu ibidi, wakabanga kubebesha ne, Udi nganyi? Wakuenza tshinyi?

Bienzedi 24:27

Kadi hakahita bidimu bibidi, Pokio Festo wakahingana ha muaba wa Felika; kadi bualu bua wakasua kuikala ne diakalengele kudi Bena Yuda, Felika wakashia Paulo mu lukanu.

Bienzedi 4:3

Bakabakuata, bakababuesha mu nsubu wa lukanu tô ne hakatshiabu, bualu bua diba diakamba kubuela.

Bienzedi 5:18

bakakuata bapostolo, bakababuesha mu nsubu wa lukanu.

Bienzedi 5:40

Bakitabusha dî diandi; hakabikilabo bapostolo, bakabakuma, bakabakandika ne, Kanuambi bualu mu dina dia Yesu, bakabalekela.

Bienzedi 8:3

Kadi Shaula wakabutula bena ekelesia, wakabuela mu nsubu yonso, wakakoka balume ne bakashi, wakababuesha mu nsubu wa lukanu.

Efeze 3:1

Bua muanda eu, meme Paulo, udi muena lukanu wa Kilisto Yesu bua bualu buenu, nuenu ba mu bisamba bia bende.

Efeze 4:1

Nunku meme, amena lukanu wa Mukelenge, ndi nusengelela ne, Enda! bakanangane ne dibikila diakanubikilabo nʼadi,

2 Timote 1:16

Mukelenge afue ba mu nsubu wa Onesifolo luse, bualu bua yeye wakasangasha muoyo wanyi misangu ya bungi, ne kakafua bundu bua lukanu luanyi;

2 Timote 2:9

ne bua muanda walu ndi nkengeshibua makenga mabi a kudi bantu bu muenji wa bibi, tô ne mu nkanu minsuika; kadi dî dia Nzambi kadiena disuika.

Ebrewu 10:34

Bualu bua nuakafuila bakadi mu lukanu luse, ne nuakitabusha ne disanka dihaula dia bintu bienu, bualu bua nudi bamanye ne, Tudi ne tshintu tshitamba buimpe ne tshidi tshishala tshiendelele.

Didimanyisha 2:10

Kutshinyi malu audi wamba kukenga nʼau. Mona, diabolo udi wamba kuela bakuabo ba munkatshi muenu mu lukanu bua nuenu nutetshibue, ne nenuikale ne dikenga dia matuku dikumi. Wikale biebe ne dieyemena tô ne ku lufu, nunku nenkuhe tshifulu tshia butumbi tshia muoyo.

Balombodi 16:25

Hakadi mitshima yabo isanka, bakamba ne, Bikilai Shimishona, alue kutusekesha. Bakabikila Shimishona mu nsubu wa lukanu; ne yeye wakahasekesha, bakamuteka hankatshi ha makunshi manene;