Ebrewu 10:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ kadi kudi kushala kuindila kukuabo kua dilumbulula kudi kukuatshisha buowa, ne kahia kakole nekoshe bahitshi bandi.

MUKANDA WA MYIDI MUKULU

²⁷ Diba adi tshitudi mua kuenza kabidi ntshinyi? Amu kuindila ne bowa malu atshidi kumpala, momumue ne: Dikosa dia nsambu, ne kapia kakole kadi ne bua kubutula baluishi ba Mvidi Mukulu.

Ebrewu 10:27 Marejeleo ya Msalaba

Misambu 21:9

Neubavuishe bu tshikutu tshidi tshitema ne kahia mu tshikondo tshiwamueneka. Yehowa neabamine mu tshiji tshiandi, ne kahia nekabashidishe.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 33:14

Bantu babi ba mu Siona badi batshina; lukanku luakukuata badi kabayi bitabusha Nzambi. Muntu kai wa munkatshi muetu udi mua kushikama hehi ne kadilu kadi kashidisha? Muntu kai udi mua kushikama hehi ne kahia kadi kosha tshiendelele?

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yezekiyele 36:5

Nunku Mukelenge Yehowa udi wamba ne, Bulelela, nakuamba dî mu kahia ka mukau wanyi bua kuhisha nʼadi ba mu bisamba bikuabo bia bantu, ne bua kuhisha nʼadi ba mu buloba buonso bua Edome, badi badisunguila buloba buanyi bu buhianyi buabo, benza nunku ne disanka dinene ne mitshima ya lukuna, bua kubukuata bu tshintu tshidibo banyenga.

Yezekiyele 38:19

Mu mukau wanyi ne mu kahia ka tshiji tshianyi tshikole nakamba ne, Mu dituku adi kuzakala kunene nekuikale mu buloba bua Isalele;

Danyele 5:6

Ha bualu ebu mpala wa mukelenge wakandamuka, ne mutshima wandi wakahampakana ne buowa. Manungu a bidimba biandi akahauka, binu biandi biakatutakana.

Osheya 10:8

Bitendelelu bia ha mukuna wa Awena nebibutudibue, biakadi bubi bua Bena Isalele; meba ne mingonge nebimene ha bioshelu biabo; ne bobo nebambile mikuna ne, Nutubuikile! Nebambile mikuna mikese ne, Nutuhonene!

Yowele 2:30

Nendeshe bantu malu a kukema mu ditu ne ha buloba: mashi, kahia ne mulanjilanji wa muishi.

Nahume 1:2

Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Sefanya 3:8

Nunku Yehowa udi wamba ne, Nungindile, tô ne ku dituku dindi mbika bua kunyenga bintu; hualu bua nakuhangidisha bua kusangisha bisamba bia bantu, bua kukungisha makelenge, bua meme kuhumuna tshiji tshianyi hamʼbidi habo, kahia konso ka tshiji tshianyi mene; bualu bua buloba buonso nebulue mu kahia ka lukunukunu luanyi.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Dibadika 16:35

Kahia bakahatuka kudi Yehowa, kakosha balume nkama ibidi ne makumi atanu bakadi bafila musenga wa manananshi.

Matayi 13:42

nebabiele mu tshikutu tshia kahia; muadi newikalemu ne kusumakana menu,

Matayi 13:50

nebabele mu tshikutu tshia kahia, muadi newikalemu ne kusumakana menu.

Matayi 25:41

Yeye neambile kabidi badi ku tshianza tshia bakashi ne, Umukai kundi, nudi ne mulau, nuye mu kahia ka tshiendelele kadi katemeshela diabolo ne banjelo bandi;

Matayi 3:10

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Matayi 3:12

tshihehudi tshiandi tshidi mu tshianza, yeye neatokeshe tshituilu tshiandi bimpe; yeye neasangishe mponda wandi mu mudiba, kadi yeye neoshe bisote mu kahia kadi kakai kajima tshiendelele.

Matayi 8:29

Bakela dî bikole ne, Wewe Muana wa Nzambi, tudi nʼebe bualu kai? Wewe wakulua kutukengesha diambedi dituku dia dikenga dietu kadî dianze kulua, anyi?

Luke 16:24

Wakela dî diandi bikole ne, Tatu Abalahama, unfue luse, utume Lazalo, atue lusongo lua munu mu mai, antalashe ludimi luanyi, bualu bua meme ndi ne dikenga mu kahia aka.

Luke 19:27

Kadi bantu aba badi nʼanyi lukuna, bakadi kabai basue meme ngikale mukelenge wabo, nulue nʼabo kunoko, nubashihe ku mesu kuanyi.

Luke 21:26

bantu nebafue tshihuka bua buowa ne bua ditekemena dia malu alua ha buloba; bualu bua nebanyukule makole a mu diulu.

Luke 23:30

Hashishe nebabange kuambila mikuna minene ne, Nutubuikile; ne mikuna mikese ne, Nutubuikile.

Yowanane 5:29

nebajuke; bakenzenza bimpe nebajuke mu dibika dia muoyo, bakenzenza bibi nebajuke mu dibika dia dihila.

Dielulula 32:43

Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Ebrewu 12:29

bualu bua Nzambi wetu udi kahia kadi kashidisha.

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?

Ebrewu 9:27

Bualu bua budi busunguila bantu bua kufuabo musangu umue, ne ku nyima kua hualu ebu kulumbulula kudiku;

Yakobe 5:3

Ngolo yenu ne argent yenu yakukuatshibua mamoma; mamoma ai neikale tshimanyishilu kunudi, neadie mibidi yenu bu kahia. Nuakudibutshila bintu mu matuku a kunshikidilu.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.

1 Samuele 2:25

Bienzela muntu munga muntu bibi, Nzambi neamulumbuluishe, kadi bienzela muntu Yehowa bibi, nganyi wamuakuila? Kadi bobo kabakunvua dî dia tatu wabo bualu bua Yehowa wakamana kuhangidisha bua kubashiha.