Dielulula 9:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Nakangata bualu bubi bunuakenza, kana ka ngombe mene, nakakosha ne kahia, nakakadiata munda mua dikasa, nakakabotesha bu dinfuenkenya dia buloba: nakela dinfuenkenya diaku mu kasulu kakadi kafuma ku mukuna.

MUKANDA WA MYIDI MUKULU

²¹ Meme kuangata lupingu lua kana ka ngombe ka tshiamu, lunuvua badienzele bua bubi buenu. Meme kulosha mu kapia. Bivua kabiyi bipie, meme kubizaza, kushalabi butu. Meme kuimansha butu abu mu musulu uvua upueka mu mukuna.

Dielulula 9:21 Marejeleo ya Msalaba

1 Bakalenga 15:13

Yeye kabidi wakumusha Mâka, mamu wandi, mu nkuasa wa mukelenge mukashi, bualu bua yeye wakenzela Bashela luhingu lua bundu; Asa wakataha luhingu luandi, wakaluosha kahia hehi ne kasulu ka Kidilona.

2 Kulondolola 34:7

Wakashimbula bioshelu, wakabotesha Bashela ne mpingu bu bukula; wakataha mpingu yakadibo batendelela nʼai diba mu nseke yonso ya buloba bua Isalele, wakahingana ku Yelushalema.

Ekesode 32:20

Mose wakangata kana ka ngombe kakenzabo, wakakosha mu kahia, wakakabotesha, wakakela mu mai, wakanuisha Bena Isalele mai au.

Yeshaya 30:22

Nenunyange tshiamu tshia argent tshinudi balamike ku mpingu yebe misonga, ne tshiamu tshia or tshinudi balamike ku mpingu yebe mifudibue; nenubimashe bu tshilulu tshinyanguke ne bukoya; nenubambile ne, Umukai kutudi!

Yeshaya 31:7

Bua mu dituku adi muntu yonso wa munkatshi muenu neimashe mpingu yandi ya argent ne mpingu yandi ya or, inuakudienzela ne bianza bienu bua kuenza nʼai bubi.

Osheya 8:11

Bualu bua Bena Efelayima bakuvudisha bioshelu bua kuenzelahu malu mabi, nunku bioshelu ebi biakulua bintu bidi bi benzesha bubi.

Mika 1:7

Nebatshibule mpingu yabo yonso misonga bituha, neboshe bintu biabo bionso biakafilabo kudi mpingu mu kahia, ne nembutule mpingu yabo yonso yakafulabo. Bualu bua bakabiheta ku difutu dia mukashi wa masandi, nebihingane kudi mukashi wa masandi bu difutu diandi.

Dielulula 9:20

Yehowa wakadi ne Alona tshiji tshikole bua kumushiha; nakalombela Alona musangu eu kabidi.