Dielulula 8:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

MUKANDA WA MYIDI MUKULU

¹⁵ Kunupitshishaye mu tshipela tshinene tshidi tshikuata bowa, tshiena ne nyoka ya lulengu, ne tuminyiminyi, kamuyi mayi. Kunupatuilaye mayi mu lubuebue luvua lupite bukole.

Dielulula 8:15 Marejeleo ya Msalaba

Misambu 105:41

Yeye wakahanda dibue, mai akahumukamu; akahueka mu miaba miume bu musulu.

Misambu 114:8

wakakudimuna dibue bua kuluadi kashiba ka mai, wakakudimuna dibue dia mutemu bua kuluadi mushimi wa mai.

Misambu 136:16

Numusakidile bua Yeye wakalombela bantu bandi bua kuhitshilabo mu tshihela, bua luse luandi ludi lujalame tshiendelele.

Yeshaya 30:6

Dî dia tshijila bua nyama ya ku luseke lua Sude. Badi bahitshila mu buloba bua dikenga ne kanyinganyinga, kudi nyama wa ntambue mukashi ne nyama wa ntambue mulume, kudi kufuma nyoka wa ntoka ne nyoka wa kahia udi uhahala, badi batuala biuma biabo bidibo bateka ha nyima ha nkungulu ya mpunda, ne bintu biabo bia mushinga mukole ha nyama ya tumelo, baya nʼabi kudi bantu badi kabayi mua kubakuatshisha.

Yeshaya 35:7

Lusenga ludi lubalakana neluandamuke dishiha dia mai, ne buloba budi kabuyi ne mai nebuikale ne mishimi ya mai; mu miaba yakalala mibuabua nemuikale muaba wa masele ne malenge.

Yeshaya 43:19

Monai, nengenze bualu buhia-buhia; nebumueneke mpindiu, kamina babumanye, anyi? Nengenze nshila mu tshihela, nempatule misulu mu tshihela tshia lusenga.

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Osheya 13:5

Nakanumanya mu tshihela tshia lusenga, mu buloba bua munanga mukole.

Dibadika 20:11

Mose wakabandisha tshianza tshiandi, wakakuma dibue ne mulangala wandi misangu ibidi, mai a bungi akabuluka, ne bantu bonso bakanua, ne bimuna biabo.

Dibadika 21:6

Yehowa wakatuma nyoka idi isuma bu kahia kosha munka tshi mua bantu, yakasuma bantu, bantu ba bungi ba Isalele bakafua.

1 Korente 10:4

buonso buabo bakanua bia kunua biobiumue bia Nyuma; bua bakanua ku dibue dia Nyuma diakabalonda, ne dibue edi diakadi Kilisto.

Dielulula 1:19

Tuakabika ku Holeba, tuakenda tô mu tshihela atshi tshinene tshibi tshinuakatangila, ku nshila wa ku mikuna ya Bena Amole, bu muakatuambila Yehowa, Nzambi wetu; tuakalua ku Kadeshe-bânea.

Dielulula 32:13

Yeye wakamubandisha ha mutu ha miaba mile ya ha buloba, wakadia bintu biakaboba mu madimi, wakamunuisha buitshi buakadi mu mabue, ne manyi akadi mu mabue makole;