Dielulula 32:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Tshituha tshia buhianyi bua Yehowa mbantu bandi; Yakoba udi buhianyi buandi.

MUKANDA WA MYIDI MUKULU

⁹ Udi mudisunguile bena Izrayele, muenze ndelanganyi ya Yakobe bantu bende.

Dielulula 32:9 Marejeleo ya Msalaba

2 Samuele 14:16

Mukelenge neunvue biandi bua kusungila muntu wandi mu tshianza tshia muntu udi ukeba kungumusha hohamue ne muanʼanyi mu buhianyi bua Nzambi.

2 Samuele 20:19

Meme ndi wa munkatshi mua badi bakeba ditalala ne badi ne kanemu mu Isalele; wewe udi ukeba kushiha musoko ne muledi wa bana wa mu Isalele; wewe udi musue kumina buhianyi bua Yehowa bua tshinyi?

1 Bakalenga 8:51

(bualu bua bobo badi bantu bebe ne buhianyi buebe buwakalua nʼabo mu buloba bua Ejipitu munkatshi mua tshikutu tshia biamu)

1 Bakalenga 8:53

Bualu bua wewe, Mukelenge Yehowa, nguakabasungula munkatshi mua bisamba bionso bia ha buloba bua kuikalabo buhianyi buebe, bu muakamuambila muntu webe Mose hawakafuma ne bankambua betu mu Ejipitu.

Misambu 106:40

Bua malu â tshiji tshia Yehowa tshiakatemena bantu bandi bua kuba kengesha, yeye wakakenuka ba mu buhianyi buandi.

Misambu 106:5

bua utangile bianyi diakalengele dia bantu bawakusungula, bua nsanke bianyi mu disanka dia tshisamba tshiebe, bua ntumbe bianyi diatshimue ne ba mu buhianyi buebe.

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

Misambu 28:9

Usungile bantu bebe, uvudishile badi buhianyi buebe disanka; wikale mulami wabo, ubatuale tshiendelele.

Misambu 33:12

Disanka didi kudi tshisamba tshidi ne Yehowa bu Nzambi watshi, mbantu bakusunguleye bua kuikalabo buhianyi buandi mene!

Misambu 74:2

Uvuluke tshisumbu tshia bantu bebe bawakangata kule, bawakahikula bua kuikalabo tshisamba tshia buhianyi buebe. Uvuluke mukuna wa Siona mûdi wewe mushikamemu.

Misambu 78:71

Wakalua nʼandi hakadiye ulonda bakashi ba mikoko bakadi bamusha bana babo batekete; wakamuvuisha mulami wa ba mu Yakoba bantu bandi, ne wa Bena Isalele buhianyi buandi.

Ekesode 15:16

Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

Ekesode 34:9

Yeye wakamba ne, Bingikala muhete dianyisha ku mesu kuebe, Yehowa, witabushe bua Yehowa aye biandi munkatshi muetu; nansha bantu aba bikale ne buhidia bukole; utubuikidile kuhanga kuetu ne mibi yetu, utuitabushe bu buhianyi buebe.

Yeshaya 19:25

Bualu bua Yehowa wa misumba wakabavudishila disanka, wamba ne, Nuvudishibue disanka, ba mu Ejipitu, bantu banyi, ne Bena Ashû, mudimu wa bianza bianyi, ne Bena Isalele, buhianyi buanyi.

Yeshaya 34:17

Yeye wakuyelela nshobo, tshianza tshiandi tshiakuyabanyina buloba ne luidi; neyibuangate tshiendelele; ku tshikondo tô ne ku tshikondo neashikamemu.

Yeshaya 43:21

bantu banakudifukila bua bualu buanyi, bua bobo baleshe bonso butumbi buanyi.

Yirmeya 10:16

Yehowa, luseke lua buhianyi bua Yakoba kena nunku nansha; bualu bua yeye udi mufuki wa bintu bionso; Bena Isalele badi tshisamba tshia buhianyi buandi; Yehowa wa misumba ndina diandi.

Yirmeya 2:7

Nakalua nʼenu mu buloba buakadi bumenesha bia kudia bia bungi, bua nuenu kudia mamuma abu ne bintu biabu bimpe; kadi hanuakabuelamu, nuakanyanga buloba buanyi, nuakavuisha buhianyi buanyi bu tshintu tshinyanguke.

Yirmeya 51:19

Yehowa, Luseke lua Buhianyi bua Yakoba, kena bu bintu ebi, kadi yeye udi mufuki wa bintu bionso; Bena Isalele ntshisamba tshia buhianyi buandi, Yehowa wa misumba ndina diandi.

Mika 2:5

Nunku mu disangisha dia Yehowa kanuena nuikala ne muntu wanutahuluila buloba bua buhianyi buenu nansha.

Zekâya 2:12

Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

Efeze 1:18

ne bua yeye anumunyikile mesu a mu mitshima yenu, bua nuenu kumanya didi ditekemena dia kunubikila kuandi, ne budi bubanshi bua butumbi bua buhianyi buandi mu basanto,

Dielulula 9:29

Bobo batshidi bantu bebe ne buhianyi buebe, bawakahatula ne bukole buebe bunene ne diboko diebe diolola.

Yoshua 24:17

Yehowa, Nzambi wetu, wakatuluhula ne batatu betu mu buloba bua Ejipitu ne mu nsubu wa buluka, wakenza malu a kukema ku mesu kuetu, wakatulama bimpe mu nshila yonso utuakenda ne munkatshi mua bantu bonso butuakahita mu nshila.

1 Samuele 10:1

Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?