Dielulula 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Tuakanyenga buloba ebu ku tshikondo atshi, ku Aloê mu tshibanda tshia Ânona, ne tshituha tshia mikuna ya Gilada ne misoko idimu, nakaha Bena Lubena ne Bena Gada:

MUKANDA WA MYIDI MUKULU

¹² Ke mutuvua bakuate ditunga didi ku mutu kua tshimenga tshia Aroyere, tshidi pabuipi ne musulu wa Amone. Meme Moshe, mvua mupeshe ndelanganyi ya Rubene ne ya Ngade tshitupa tshia ditunga dia mikuna dia Ngilaade, ne bimenga bionsu bivuamu.

Dielulula 3:12 Marejeleo ya Msalaba

2 Bakalenga 10:33

ku Yadene kua ku esete ne buloba buonso bua Gilada ne bua Bena Gada ne bua Bena Lubena ne bua Bena Manashe ne ku Aloê udi mu tshibanda tshia Ânona tô ne ku Gilada ne Bashana.

Dibadika 32:40

Mose wakaha Maki, muana mulume wa Manashe musoko wa Gilada ne yeye wakasekamamu.

Dielulula 2:36

Ku Aloê udi ku muelelu wa tshibanda tshia Ânona ne ku musoko mukuabo udi mu tshibanda tô ne ku Gilada, katuakasangana musoko umue wakatuhita bukole bua kûnyenga; Yehowa, Nzambi wetu, wakafua misoko yonso mu tshianza tshietu;

Dielulula 29:7

Hanuakalua ku muaba eu, Sihona, mukelenge wa mu Heshebona, ne Oga, mukelenge wa mu Bashana, bakaluhuka bua kuluangana nʼetu, ne tuetu tuakabahita;

Dielulula 29:8

bakanyenga buloba buabo, tuakabuha Bena Lubena ne Bena Gada ne tshituha tshia tshisamba tshia Manashe bu buhianyi buabo.

Dielulula 3:13

ne tshituha tshikuabo tshia Gilada ne misoko ya bukelenge bua Oga wa mu Bashana nakaha tshituha tshia tshisamba tshia Manashe: luseke luonso lua Âgoba, misoko yonso ya mu Bashana. (Ebu mbuloba bua Bena Lefa.

Dielulula 4:48

ku Aloê udi ku butshika bua tshibanda tshia mai a Ânona tô ne ku mukuna wa Sileona (dina dikuabo ne Hêmona),