Dielulula 16:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nenudie mampa adi kâyi ne luevene matuku asambombo; ne dituku dia muanda mutekete nedikale dia tshijila kudi Yehowa, Nzambi wenu; kanuenji mudimu nansha.

MUKANDA WA MYIDI MUKULU

⁸ Nuenu bena Izrayele, matuku malondangane asambombu kanuena mua kudia mampa mela buanga. Dituku dia muanda mutekete, nudisangishe bua kutendelela Maweja-Nangila Mvidi Mukulu wenu. Kanuena mua kuenza mudimu dituku adi to.

Dielulula 16:8 Marejeleo ya Msalaba

2 Kulondolola 7:9

Dituku dia muanda mukulu diakadi dia disangisha dia tshijila; bualu bua bakadi bajidila tshioshelu matuku muanda mutekete, ne bakadia bidia bia disanka matuku muanda mutekete.

Nehemya 8:18

Yeye wakabala mu mukanda wa mikenji ya Nzambi ku dituku ku dituku, ku dituku dia kumudilu tô ne ku dituku dia nshikidilu. Bakadia bidia bia disanka matuku muanda mutekete; dituku dia muanda mukulu diakadi dituku dinene dia disangisha, bu muakadi mukenji mujadike.

Yowele 1:14

Jidilai tshikondo tshia kujila bia kudia, kunguishai disangisha dia tshijila. Nuenu bakulu, sangishai bantu bonso badi bashikame mu buloba ebu mu nsubu wa Yehowa Nzambi wenu; dilai kudi Yehowa.

Lewitiki 23:36

Matuku muanda mutekete nenufile milambu ya kuoshila Yehowa ha kahia, dituku dia muanda mukulu nedikale dituku dia disangisha dia tshijila kunudi, nenufile mulambu wa kuoshila Yehowa ha kahia, edi ndisangisha dia tshijila, kanuenji mudimu.

Dibadika 28:25

Dituku dia muanda mutekete nenuikale ne disangisha dia tshijila, kanuenji mudimu.