Dielulula 16:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nenushihele Yehowa, Nzambi wenu, mulambu wa kuhita kua Yehowa, wa mikoko ne wa ngombe, mu muaba udi Yehowa Usungula bua kujadikamu dina diandi.

MUKANDA WA MYIDI MUKULU

² Nanku nyama ya mu bikumbi inudi mua kulambula mu tshibilu etshi nyoyi eyi: ngombe, mikoku ne mbuji. Kadi nuyilambule anu muaba wikalaye musungule bua nuenu kumonangana nende.

Dielulula 16:2 Marejeleo ya Msalaba

2 Bakalenga 23:21

Mukelenge wakelela bantu bonso mukenji ne. Nudie bidia bia kuhita kua Yehowa, Nzambi wenu, bu mudibo bafunde mu mukanda eu wa tshihungidi.

2 Kulondolola 35:7

Yoshiya wakaha bantu bonso bakadiku milambu ya kufila mu kuhita kua Yehowa, mikoko ne bana ba mikoko binunu makumi asatu ne balume ba ngombe binunu bisatu; ebi biakadi munkatshi mua bintu bia mukelenge.

Dibadika 9:2

Bena Isalele nebadie bintu bia kuhita kua Yehowa mu tshikondo tshinakasungula.

Matayi 26:17

Hakalua dituku dia kumudilu dia disanka dia bidia bidi kabi biela luevene, bayidi bakahia kudi Yesu, bakamukonka ne, Udi musue tulongolole ha wewe kudila Kuhita kua Yehowa kudi kunyi?

Matayi 26:2

Nudi bamanye ne, Hahita matuku abidi, Kuhita kua Yehowa nekulue, nebafile Muana wa muntu bua kumushihabo ku mutshi mutshiamakane.

Marke 14:12

Hakalua dituku dia kumudilu dia disanka dia bidia bidi kabi biela luevene, diakashihashihabo bana ba mikoko ya Kuhita kua Yehowa, bayidi ba Yesu bakalua kudiye, bakamuebesha ne, Udi musue tuye kulongolola ha wewe kudila Kuhita kua Yehowa kudi kunyi?

Luke 22:15

Wakabambila ne, Nakutamba kusua bua kudia nʼenu bidia ebi bia Kuhita kua Yehowa, diambedi tshi muanze kukenga;

Luke 22:8

Yeye wakatuma Petelo ne Yone ne, Yai nutulongoluele Kuhita kua Yehowa bua tuetu kudia.

1 Korente 5:7

Umushai luevene lukulukulu bua nuenu nuikale bu mutanda muhia-muhia, bu munudi kanui ne luevene. Bualu bua mulambu wetu wa Kuhita kua Yehowa wakashihibua, Kilisto mene.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:14

kadi muaba udi Yehowa Usungula munkatshi mua bisamba bienu, nenufileku milambu yenu ya kuosha, nenuenzeku mei onso anakunuambila.

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 12:26

Nuye anu ne bintu binuakajidila ne milambu yenu ya kuditshiha ku muaba udi Yehowa Usungula;

Dielulula 12:5

Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

Dielulula 15:20

Wewe ne ba mu nsubu webe nenubadie ku mpala kua Yehowa, Nzambi wenu, ku tshidimu ku tshidimu mu muaba udi Yehowa musungule.

Dielulula 16:1

Nuvuluke ngondo wa Abiba bua kutendelela kuhita kua Yehowa wenu; bualu bua Yehowa, Nzambi wenu, wakanuhatula mu buloba bua Ejipitu butuku mu ngondo wa Abiba.

Dielulula 16:3

Kanudi mampa adi ne luevene ne mulambu eu; nenudie nʼau mampa adi kâyi ne luevene matuku muanda mutekete, mbia kudia bia tshivulukidi tshia dikenga; bualu bua nuakahatuka mu buloba bua Ejipitu lubilu; nunku numuke dituku dinuakahatuka mu buloba bua Ejipitu matuku onso a muoyo wenu.