Dielulula 10:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bankambua benu makumi muanda mutekete bakaya mu Ejipitu; katataka Yehowa, Nzambi wenu, wakanuvudisha bungi bua mitoto idi mu diulu.

MUKANDA WA MYIDI MUKULU

²² Pafikile bankambua benu mu Ejipitu, kabavua bapite ku makumi muanda mutekete to. Kadi mpindiewu, Maweja-Nangila Mvidi Mukulu wenu mmunuvudije bu mitotu ya mulu.

Dielulula 10:22 Marejeleo ya Msalaba

Genese 15:5

Yehowa wakaluhuka nʼandi mu nsubu, wakamba ne, Tangila mutu bala mitoto, biwamanya mua kuyibala Yeye wakamuambila ne, Tunkanunuina biebe netuikale bungi nunku.

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

Genese 46:26

Bantu aba bonso bakalua ne Yakoba mu Ejipitu bonso bakahatuka munda mua Yakoba, kababadi bakashi ba bana bandi bakadi makumi asambombo ne basambombo,

Genese 46:27

ne bana ba balume ba Yosefe bakamulelelabo mu Ejipitu bakadi babidi, bantu bonso ba mu nsubu bakalueye nʼabo mu Ejipitu bakadi makumi muanda mutekete.

Nehemya 9:23

Wewe wakakumbasha tunkanunuma tuabo bu mitoto ya mu diulu; wewe wakalua nʼabo mu buloba buwakalaya bankambua babo ne, Nenubuhiane.

Ekesode 1:5

Bantu bonso ba munda mua Yakoba bakadi makumi muanda mutekete, Yosefe wakadi mu Ejipitu diambedi

Dibadika 26:51

Bungi bua Bena Isalele buakabalabo buakadi binunu nkama isambombo ne tshimue ne nkama muanda mutekete ne makumi asatu.

Dibadika 26:62

Bungi buabo buakabalabo buakadi binunu makumi abidi ne bisatu ba mu ngondo umue tô ne ha mutu, kabakababala munkatshi mua Bena Isalele bualu bua kabakadi ne buhianyi munkatshi mua Bena Isalele.

Bienzedi 7:14

Yosefe wakatuma dî, wakabikila tatu wandi Yakoba ne bena kuabo bonso, bakadi bantu makumi muanda mutekete ne batanu.

Dielulula 1:10

Yehowa, Nzambi wenu, wakunukumbasha ba bungi, ne monai, lelu nudi bu bungi bua mitoto ya mulu.

Dielulula 1:11

Yehowa, Nzambi wa batatuʼetu, anukumbashe tô ne hanuahita bungi buenu bua katataka misangu tshinunu, anusankishe bu muakunulayeye!

Dielulula 26:5

Nenuambe ku mesu kua Yehowa, Nzambi wenu, ne, Tatu wetu wakadi Muena Sulia, wakadi wamba kufua; ne yeye wakaya mu Ejipitu, wakashikamamu bantu banya-banya; yeye wakalua tshisamba tshinene tshia bukole ne bantu ba bungi.

Dielulula 28:62

Diambedi nuakadi bungi bua mitoto ya mu diulu kadi nenushale anu banya-banya, bualu bua kanuakunvua dî dia Yehowa, Nzambi wenu.

Ebrewu 11:12

Nunku kabidi, kudi muntu umue, ne yeye bu mufile mene, bana bakaledibua bu mitoto ya mu diulu mu bungi buabo, ne bu nsenga ya ku muelelu wa mai manene idibo kabai bamanye mua kubala.