Didimanyisha 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshifukibue tshia kumudilu tshiakadi bu nyama wa ntambue, tshifukibue tshibidi tshiakadi bu muana mulume wa ngombe, ne tshifukibue tshisatu tshiakadi ne mpala bu wa muntu, ne tshifukibue tshinai tshiakadi bu nyunyu wa mukanku wakadi uhahala.

MUKANDA WA MYIDI MUKULU

⁷ Tshia muoyi tshia kumpala tshiena tshifuane nyama wa ntambue. Tshibidi tshivua tshifuane muana mulume wa ngombe. Tshisalu tshivua ne mpala bu wa muntu. Tshinayi tshivua tshifuane nyunyi wa tshiminyi udi upapala mulu.

Didimanyisha 4:7 Marejeleo ya Msalaba

Genese 49:9

Yuda udi bu muana wa nyama wa ntambue, wakalekela tshintu tshiandi tshia kudia, wakalamina ne binu biandi bu nyama wa ntambue udi bu mukashi wa nyama wa ntambue, mundi kai wamubisha ku tulu?

2 Samuele 1:23

Shaula ne Yonatana bakadi bakane, bakadi banyishibua kudi bantu mu mioyo yabo, kabakadi bahanduluke mu lufu luabo; bakahita nyunyu ya mikanku lubilu, bakatamba nyama ya ntambue bukole.

Nsumuinu 28:2

Bua ditomboka dia ba ha buloba bakokeshi babu badi ba bungi; kadi bikalaku bajinguludi ba mianda ne bena lungenyi, bukokeshi bujalame nebushale musangu mule.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yezekiyele 1:10

Bua binfuanyi bia mpala yabi nakamona ne buonso buabi binai biakadi ne mpala wa muntu ne mpala wa nyama wa ntambue ku luseke lua tshianza tshia balume, ne mpala wa ngombe ne mpala wa nyunyu wa mukanku ku luseke lua tshianza tshia bakashi.

Yezekiyele 1:8

Muinshi mua mahuahua abi, ku nseke yabi inai, muakadi bianza bia muntu. Buonso buabi binai biakadi ne mpala yabi ne mahuahua abi nunku:

Yezekiyele 10:14

Mukeluba yonso wakadi ne mpala inai: mpala wa kumudilu wakadi mpala wa mukeluba mene, muibidi wakadi wa muntu, muisatu wakadi wa nyama wa ntambue ne muinai wakadi wa nyunyu wa mukanku.

Yezekiyele 10:21

Mukeluba yonso wakadi ne mpala inai ne mahuahua anai; ne muinshi mua mahuahua abo muakadi tshinfuanyi tshia bianza bia muntu.

Danyele 7:4

Wa ku mpala wakadi bu nyama wa ntambue, wakadi ne mahuahua bu nyunyu wa mukanku. Hanakadi ntangila, bakatula mahuahua andi, bakamujula hanshi, bakamuimanyika ku makasa abidi bu muntu, bakamuha mutshima bu wa muntu.

Obadya 1:4

Yehowa udi wamba ne, Nansha biwahahala mulu bu mudi nyunyu wa mukanku wenza, nansha bikala disua diebe dibakibue munkatshi mua nutoto mene, nenkutulule hanshi ku muaba au.

Dibadika 23:24

Mona, bantu aba badi bahika bu mukashi wa nyama wa ntambue, yeye udi ubika bu nyama wa ntambue, yeye kena ulala kabidi to ne hadieye tshintu, ne hanueye mashi a tshintu tshiakashiheye.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

1 Korente 14:20

Bana betu, lekelai kuikala bana mu meshi enu, kadi nuikale tuana tukese mu malu mabi, nuikale bantu bakole mu meshi enu.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;

Didimanyisha 4:6

Ku mpala kua nkuasa wa butumbi kuakamueneka bu mai manene a ntalatala mafuane dibue ditoke tô; ne munkatshi mua nkuasa wa butumbi ne munyunguluka nkuasa wa butumbi muakadi bifukibue binai bidi ne muoyo biûle tente ne mesu ku mpala ne ku nyima.

Didimanyisha 6:3

Hakalamuneye tshimanyishilu tshibidi, nakunvua tshifukibue tshibidi tshidi ne muoyo tshiamba ne, Lua.

Didimanyisha 6:5

Hakalamuneye tshimanyishilu tshisatu, nakunvua tshifukibue tshisatu tshidi ne muoyo tshiamba ne, Lua. Nakatangila, ne mona, kabalu kafike; ne wakadi ushikama ha nyima haku wakadi ne tshiamu tshia kuidikisha nʼatshi bujitu mu tshianza tshiandi.

Didimanyisha 6:7

Hakalamuneye tshimanyishilu tshinai, nakunvua dî dia tshifukibue tshinai tshidi ne muoyo tshiamba ne, Lua.