Didimanyisha 21:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bibi dikumi ne bibidi biakadi bia mabue a perle dikumi ne abidi; tshibi ne tshibi tshiakadi dibue dimue dia perle; ne musesu wa musoko wakadi wa ngolo muimpe bu ntalatala mutoke tô.

MUKANDA WA MYIDI MUKULU

²¹ Biibi dikumi ne bibidi bivua mabue a busanga dikumi ne abidi. Bavua benze tshiibi tshionsu amu ne dibue dinene dimue dia busanga. Bavua benze musesu munene wa mu tshimenga ne mpawungi menemene, umueneka munda ne panyima bu talatala.

Didimanyisha 21:21 Marejeleo ya Msalaba

1 Bakalenga 6:20

Bule bua muaba eu buakadi coudées makumi abidi, butshiama buau buakadi coudées makumi abidi, ne bule buau bua mulu buakadi coudées makumi abidi: wakateka tshiamu tshia or ku nseke yonso; wakateka mabaya a cèdre ha nyima ha tshioshelu kabidi.

Didimanyisha 17:4

Mukashi wakadi muluatshisha ne bilulu bikunzubile ne bikunzekunzu, mulengeshibue ne ngolo ne mabue a mushinga mukole ne a perle, muikale ne luhanza lua ngolo mu tshianza tshiandi lûle tente ne malu a bukoya bua masandi andi.

Didimanyisha 18:16

bamba ne, Mulau, mulau, musoko munene, wakadi muluatshishe bilulu bia line bimpe, ne bikunzubile ne bikunzekunzu, mulengesha ne ngolo ne mabue a mushinga mukole ne mabue a perle!

Didimanyisha 21:15

Wakadi wiyikila nʼanyi wakadi ne dilenga dia ngolo bu luidi lua kuidikisheye nʼalu musoko, ne bibi biau, ne lumbu luau.

Didimanyisha 21:18

Bintu biakibakabo nʼabi lumbu luau biakadi bia yasape; musoko wakadi wa ngolo muimpe, mufuanangane ne ntalatala.

Didimanyisha 22:2

munkatshi mua musesu wa musoko. Ku muelelu eu wa musulu ne ku muelelu wawa kuakadi mutshi wa muoyo, ukuama mamuma nsanzu dikumi ne abidi, ukuama mamuma au ku ngondo ku ngondo; mabeshi a mutshi akadi bua kuondaha nʼau bisamba.

Didimanyisha 4:6

Ku mpala kua nkuasa wa butumbi kuakamueneka bu mai manene a ntalatala mafuane dibue ditoke tô; ne munkatshi mua nkuasa wa butumbi ne munyunguluka nkuasa wa butumbi muakadi bifukibue binai bidi ne muoyo biûle tente ne mesu ku mpala ne ku nyima.