Danyele 8:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nakunvua dî dia muntu difuma munkatshi mua musulu wa Ulai diamba ne, Gabaliele, jinguluila muntu eu tshikena kumona.

MUKANDA WA MYIDI MUKULU

¹⁶ Meme kumvua diyi dia muntu difumina ku mukidi wa Ulayi, dimuambila ne: ‘Ngabriyele, umvuija muntu ewu bualu buvua Mvidi Mukulu mumuleje.’

Danyele 8:16 Marejeleo ya Msalaba

Danyele 10:14

Mpindiu nakulua bua kukujinguluila malu adi akuata bana benu mu matuku alualua; bualu bua tshikena kumona etshi tshidi tshikulesha malu a mu matuku adi kayi manji kulua.

Danyele 10:21

Kadi nenkuambile mei adi mafunda mu mukanda wa bushuwa; kakuena mukuabo udi unkuatshisha bua kuluangana nʼabo, anu Mikaele, muanjelo-mulami wenu.

Danyele 7:16

Nakasemena ha buihi ne mukuabo wa bakadi bimane, nakamulomba ne, Unjinguluile malu au onso hatoke. Nunku yeye wakangambila, wakammanyisha dijingulula dia malu au.

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Zekâya 1:9

Nakamba ne, Mukelenge wanyi, ebi mbinganyi? Muanjelo wakadi uyikila nʼanyi wakangambila ne, Nenkujinguluile bintu ebi.

Zekâya 2:4

wakamuambila ne, Ya lubilu, ambila nsongalume eu ne, Yelushalema neikale ne bantu muomumue ne misoko idi kayiyi ne ngumbu, bualu bua bisumbu bivule bia bantu ne bia bimuna nebikalemu.

Luke 1:19

Muanjelo wakamuandamuna ne, Ndi bianyi Gabaliele, ntu ngimana ku mesu kua Nzambi; nakutumibua bua kuakula nʼebe ne bua kukuluila ne lumu luimpe.

Luke 1:26

Mu ngondo muisambombo muanjelo Gabaliele wakatumibua kudi Nzambi mu musoko wa Galela, dina diau Nazaleta,

Bienzedi 10:13

Dî diakalua kudiye ne, Petelo, bika, shiha, udie.

Bienzedi 9:7

Bakadi benda nʼandi bakimana bahue; bakuama dî, kadi kabakamona muntu.

Ebrewu 1:14

Banjelo bonso kabena nyuma mukuatshishi mitumibue bua kukuatshilabo badi bamba kuhiana luhandu mudimu, anyi?

Didimanyisha 1:12

Nakatshinguluka bua kutangila dî diakakula nʼanyi. Hanakatshinguluka, nakamona bitekelu bia minda bia ngolo muanda mutekete;

Didimanyisha 22:16

Meme Yesu nakutuma muanjelo wanyi bua kunumanyisha malu â bua bualu bua ekelesia. Ndi muji ne kankanunuina bia Davidi, mutoto udi ukenka, wa nkesha.