Danyele 8:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ E, luakadivuisha bunene bu Mukokeshi wa misumba ya ba mu diulu, luakamunyenga milambu yandi ya kuosha ya buatshia-buatshia, luakanyanga muaba wa tshitendelelu tshiandi.

MUKANDA WA MYIDI MUKULU

¹¹ Kuluishalu mene mfumu wa bia mu diulu. Kukandikalu mulambu wa kuosha, uvuabu bamulambula ku dituku ku dituku. Kunyangalu muaba wa tshitendelelu, kuupishalu mikiya.

Danyele 8:11 Marejeleo ya Msalaba

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yirmeya 48:26

Numukuatshishe maluvu bualu bua wakudilesha ku mesu kua Yehowa; ba mu Moaba nebabunguluke mu bilushi biabo, nebasekibue.

Yirmeya 48:42

Ba mu Moaba nebashihibue bua kabikadi bu tshisamba tshia bantu, bualu bua bakutamba kudibandisha kudi Yehowa.

Yezekiyele 46:14

Ku dinda ne ku dinda longolola mulambu wa bia kudia, tshituha tshisambombo tshia épha umue, tshituha tshisatu tshia hin wa manyi bua kusangisha nʼau bukula; eu mmulambu wa bia kudia udibo ne bua kufila kudi Yehowa ku dituku ku dituku bu mukenji wandi wa tshiendelele.

Danyele 11:22

Bena nvita nebanyeme ku mpala kuandi bu mai mahasalale mahite mielelu ya musulu, nebabutudibue; mukelenge wa tshihungidi kabidi neabutudibue.

Danyele 11:31

Bena nvita nehalue kudiye babatumineye mukenji, nebanyange tshitendelelu ne muaba muasa ne ngumbu ya nvita, nebalekeshe diosha dia mulambu wa kuosha wa buatshia-buatshia, nebajadike tshinyangu tshia dibutuka mu muaba wau.

Danyele 12:11

Tshikondo tshidibo bumusha mulambu wa kuosha wa buatshia-buatshia tô ne tshidibo bateka tshinyangu tshia dibutuka mu muaba wau, matuku neahite tshinunu ne nkama ibidi ne makumi tshitema.

Danyele 5:23

Kadi wakudibandisha ne wakuhetula Mukelenge wa mu diulu; bua bakulua ne mpanza ya mu nsubu muandi ku mpala kuebe; wewe ne miloho yebe, bakashi bebe ne bakashi bahika bawakabaka nuakunuinamu nvinyo. Wewe wakutumbisha nzambi ya tshiamu tshia argent ne tshia or, ya tshiamu tshia mitaku, ya tshiamu tshifike, ya mitshi ne ya mabue, nzambi idi kayiyi mua kumona anyi kunyua anyi kumanya bualu. Kuena mutumbishe Nzambi udi ne muhuya webe mu tshianza tshiandi, udi mumanye bienzedi biebe bionso.

Danyele 7:25

Yeye neadiule Nzambi Mutambe Bunene wa mu diulu ne mei mabi, neatatshishe bansanto ba Mutambe Bunene wa mu diulu tô ne hahangabo. Neahangidishe bua kukudimuna bikondo bia tshijila ne mikenji, ne bansanto nebafidibue mu bianza biandi tô ne hahita tshikondo tshimue, bikondo bibidi ne tshituha tshia tshikondo.

Danyele 8:12

Bakafila musumba wa mu diulu ne mulambu wa kuosha wa buatshia-buatshia kudilu, bualu bua ditombokela Nzambi. Luakela malu a bushuwa hanshi, luakenza bu muakadilu lusue kuenza, luakatuta dikasa dimpe.

Danyele 8:24

Yeye neikale ne bukokeshi bua bungi, kadi kena ubuheta ku bukole buandi nkayandi. Yeye neavuishe dibutuka didi ditamba bukole, neatute dikasa dimpe mu malu mabi adiye wenza neabutule bantu badi ne bukole ne bantu ba bansanto diatshimue.

Danyele 8:25

Bua budimu buandi neatutshishile bakuabo dikasa dimpe ku mashimi andi; neikale ne diambu mu mutshima wandi, neabutule bantu ba bungi badi kabayi banze kudimuka. Neatombokele Mukokeshi wa bakokeshi mene mene, kadi nebamutshibule bituha bituha, tshianza tshia muntu katshiyi tshimulenga.

Danyele 9:25

Nunku Umanye, ujingulule ne, Diba diakahatuka mukenji ne, Bahingashe bantu mu Yelushalema ne base musoko tshiakabidi, tô ne ku difika dia muntu muedibue manyi ha mutu, mukokeshi mene, mbingu muanda mutekete neyihite. Hashishe, mu mbingu makumi asambombo ne ibidi nebase musoko tshiakabidi, muikale ne muaba munene bu wa tshisalu ne misesu; tshikondo etshi netshikale tshia ntatu mene.

Dibadika 28:3

Wewe neubambile kabidi ne, Eu udi mulambu wa kuosha ha kahia unudi nûfila kudi Yehowa bana balume ba mikoko ba tshidimu tshimue, badi kabayi ne tshilema, bana babidi ba buatshia-buatshia, bu mulambu wa kuosha wa tshiendelele.

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

Ebrewu 2:10

Bua bualu buakadi buakane kudiye, bua bualu buandi bintu bionso bidiku, ne bintu bionso bidi bifukibua ku bukole buandi, hakalomboleye bana ba bungi ku butumbi, bua kuvuisha kapitene ka luhandu luabo mu buakane buonso ku makenga.

Didimanyisha 17:14

Ne bobo nebaluangane nvita ne Muana wa Mukoko, ne Muana wa Mukoko neabahite bukole, bualu bua yeye udi Mukelenge wa bakelenge ne Nfumu wa banfumu; ne bantu badi nʼandi, babikidibue, ne basungidibue, ne ba kueyemena, nebahite bukole kabidi.