Bienzedi 22:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakakengesha Nshila eu tô ne ku lufu, nsuika balume ne bakashi, mbabuesha mu nsubu ya lukanu.

MUKANDA WA MYIDI MUKULU

⁴ Mvua mukengeshe, mushipeshe bavua balonda njila wa Mfumu Yezu. Mvua mukuate balume ne bakaji, mubeleshe mu nkanu.

Bienzedi 22:4 Marejeleo ya Msalaba

Bienzedi 16:17

Wakatulonda, tuetu ne Paulo, wela mbila ne, Balume aba mbahika ba Nzambi Mutambe Bunene wa mu diulu, badi banuambila bua nshila wa luhandu.

Bienzedi 18:26

wakabanga kuamba dî mu nsunagoga ne dikima. Kadi hakunvua Pisikila ne Akula kuamba kuandi, bakaya nʼandi kuabo, bakamujinguluila bua nshila wa Nzambi biakane.

Bienzedi 19:23

Mu matuku au diyoyo dia bungi diakabika bualu bua Nshila wa Nzambi.

Bienzedi 19:9

Kadi bakakolesha bakuabo mitshima yabo, hakahidiabo, bamba mei mabi bua Nshila wa Nzambi ku mesu kua bantu, wakumuka kudibo, wakumusha bayidi munkatshi muabo, wakadi uyisha ku dituku ku difuku mu ekola wa Tulano.

Bienzedi 24:14

Kadi ndi ntonda kûdi ne, Ntu ngakuatshila Nzambi wa bankambua betu mudimu mu Nshila udibo babikila ne, Ngua batahuluki, ndi ngitabusha malu onso adi mu mikenshi ya Nzambi ne akafunda baprofete;

Bienzedi 7:58

bakamuhatula mu musoko, bakamukuma mabue. Bamonyi ba bualu ebu bakateka bivualu biabo ku makasa a nsongalume dina diandi Shaula.

Bienzedi 9:21

Bonso bakunvua dî diandi bakadi bakema, bakabanga kukonka ne, Eu kanyeye wakabutula bakadi batendelela dina edi mu Yelushalema, anyi? Yeye wakadi muluile bualu ebu kunoko bua kuyeye nʼabo basuika ku mesu kua bakuidi banene.

1 Korente 15:9

Bualu bua meme ndi muntu mutambe kuhuekela munkatshi mua bapostolo, udi tshi ne buimpe bua kumbikilabo mupostolo, bualu bua nakakengesha ekelesia wa Nzambi.

Ngalate 1:13

Bualu bua nuakamana kunvua lumu lua bienzedi bianyi mu bualu bua Bena Yuda bu munakatamba kukengesha bena ekelesia wa Nzambi, bu munakababutula;

Filipe 3:6

mu bualu bua lukunukunu nakadi nkengesha bena ekelesia; ne mu bualu bua buakane bua mu mikenshi, nakalua muntu udi kai ne bualu.

2 Petro 2:2

Bantu ba bungi nebalonde bienzenza biabo bia masandi; bua bualu buabo nshila wa bushua neahendibue.